agrowon news in marathi, MSP Assurance maens chunavi jamla, Maharashtra | Agrowon

हमीभावाचे आश्‍वासन म्हणजे चुनावी जुमला : विरोधक

टीम अॅग्रोवन
शुक्रवार, 6 जुलै 2018

निवडणुकीच्या मतावर डोळा ठेवून सरकारने हे सगळं केले आहे. चार वर्षांपूर्वी खर्चाच्या दीडपट आधारभूत किंमत देऊ असे सांगितले आणि आता सांगत आहेत की आम्ही दिली आहे. परंतु, ही आकडेवारी फसवी आहे. 
- अजित पवार,  माजी उपमुख्यमंत्री
 

नागपूर ः दीडपट हमीभावाचे गाजर दाखवित सरकारने शेतकऱ्यांची फसवणूक केली आहे. चार वर्षांनंतर करण्यात आलेली ही कथित दरवाढ २०१९ च्या निवडणुकांची तयारी आहे आणि तीदेखील पंतप्रधान नरेंद्र मोदी यांनी दिलेल्या आश्‍वासनाला हरताळ फासत केलेला एक निवडणूक जुमला असल्याची टीका विरोधी पक्षाच्या नेत्यांनी केली आहे. 

राष्ट्रवादी कॉंग्रेसचे नेते अजित पवार म्हणाले, की हमीभाव देण्याचा स्वामीनाथन आयोगाचा जो फॉर्मुला आहे; तो यांनी बासनात गुंडाळून ठेवला आहे. शेतकरी विरोधी या सरकारचे कटकारस्थान सभागृहातील चर्चेदरम्यान समोर आणणार आहे. 

शेतकऱ्यांना कर्जमाफी नाही, पीकविम्याची रक्‍कम नाही, मुळात मंडळ हा गाभा धरून पीकविम्याची रक्‍कम मिळायला हवी होती. परंतु, यांनी तालुका केला आहे. त्यामुळे शेतकरी पीकविम्यापासून वंचित राहिला आहे. पीकविम्याच्या बाबतीत पीकविमा कंपन्यांना गब्बर करण्याचे आणि शेतकऱ्यांना कंगाल करण्याचे काम भाजप शिवसेना सरकारने केले आहे. 

विधान परिषदेचे विरोधी पक्षनेता धनंजय मुंडे यांनीदेखील सरकारच्या शेतकरी विरोधी धोरणांवर हल्ला चढविला. ऐतिहासिक वाढ म्हणून मुख्यमंत्री शेतकऱ्यांची फसवणूक करीत असल्याची टीका त्यांनी केली. तीन वर्षांत राज्याने केलेली शिफारस आणि केंद्राने दिलेला हमीभाव याचे आकडे त्यांनी पत्रकारांना सादर केले. उत्पादन खर्च आधारित हमीभावाची शिफारस राज्य सरकार केंद्रास करीत असते.

सन २०१८-१९ मध्येच नव्हे, तर मागील तीन वर्षांत केलेल्या एकाही शिफारसी इतका भाव जाहीर केला नसतांना मुख्यमंत्री ऐतिहासिक म्हणत आहेत, असा टोमणा मुंडे यांनी मारला. या अगोदर राज्यातील शेतकऱ्यांची कर्जमाफीदेखील मुख्यमंत्र्यांनी ऐतिहासिक असल्याचे जाहीर केले होते. आजही ते ऐतिहासिक म्हणत आहेत. निव्वळ घोषणा आणि वेगवेगळी नावे देण्यात सरकार माहीर असल्याचा आरोपही धनंजय मुंडे यांनी केला. धानाला ३२७० रुपये शिफारस केली असताना केंद्राने १७५० रुपये दिलेत, इतर पिकांच्या बाबतीतही असेच झाल्याचे सांगत त्यांनी आकडे मांडले.

प्रतिक्रिया
याअगोदर राज्यातील शेतकऱ्यांची कर्जमाफीदेखील मुख्यमंत्र्यांनी ऐतिहासिक असल्याचे जाहीर केले होते. आजही ते ऐतिहासिक म्हणत आहेत. निव्वळ घोषणा आणि वेगवेगळी नावे देण्यात सरकार माहीर आहे. 
- धनंजय मुंडे,  विरोधी पक्षनेते, विधान परिषद
 


इतर ताज्या घडामोडी
नांदेड, परभणी, हिंगोली जिल्ह्यात पाऊस नांदेड : नांदेड, परभणी, हिंगोली जिल्ह्यातील ११८...
मराठवाड्याच्या पाणी प्रश्नावर सर्वांनी...औरंगाबाद : ‘‘मराठवाड्यासाठी वॉटर ग्रीड अत्यंत...
कोरोनाच्या संकटात कृषी, पणन खाते अपयशी...नाशिक : ‘‘कोरोनाच्या अडचणीच्या काळात शेतकऱ्यांचा...
परभणी जिल्ह्यात पीककर्जासाठी पेरणीच्या...परभणी : जिल्ह्यातील अनेक गावातील तलाठी पीककर्ज...
नगर जिल्ह्यात एकशे तीन टॅंकरने...नगर : उन्हाची तीव्रता दिवसेंदिवस वाढू लागल्याने...
टोकन प्रक्रियेत गैरप्रकार केल्यास...परभणी : ‘‘बाजार समित्यांमार्फत टोकन देण्याच्या...
हिंगोलीत १७ हजारावर शेतकऱ्यांच्या १८...हिंगोली : चालू खरेदी हंगामात जिल्ह्यात...
पुणे जिल्ह्यात पूर्वमोसमी पावसाच्या...पुणे ः जिल्ह्यात रविवारी (ता. ३१) सायंकाळी जोरदार...
मराठवाड्यातील ३६६ मंडळांत पूर्व मोसमी...औरंगाबाद  : मराठवाड्यातील आठही जिल्ह्यातील...
सातारा जिल्ह्यात पावसाची हजेरीसातारा ः जिल्ह्यात रविवारी पूर्वमोसमी पावसाने...
‘पंदेकृवि’तर्फे उद्या खरीपपूर्व कृषी...अकोला ः डॉ. पंजाबराव देशमुख कृषी विद्यापीठाच्या...
नगरमधील दहा तालुक्यांत जोरदार पाऊसनगर ः नगर जिल्ह्यात रविवारी (ता. ३१) दहा...
मराठवाड्यात बियाणे, खते खरेदीस वेग औरंगाबाद : मराठवाड्यातील सोयगाव, देगलूर, बिलोली,...
नाशिक जिल्ह्याच्या पूर्व भागात...नाशिक : जिल्ह्याच्या पूर्व भागात नांदगाव...
नाफेड केंद्रावर तूर विकण्याचा...अमरावती ः शेतकऱ्याच्या नावावर नोंदणी करुन हमीभाव...
हमीभावाने तूर-हरभरा खरेदीस मुदतवाढअमरावती ः लॉकडाउनमुळे हमीभावाने तूर व हरभरा...
सिंधुदुर्गात पावसाची दमदार हजेरीसिंधुदुर्ग ः सिंधुदुर्गात माॅन्सूनपूर्व पावसाने...
कोल्हापुरातील बहुतांश तालुक्यांना...कोल्हापूर : मॉन्सूनपूर्व पावसाने रविवारी (ता. ३१...
सोलापुरातील चार मध्यम प्रकल्पांमध्ये...सोलापूर ः लाभक्षेत्र विकास प्राधिकरणाकडे असलेल्या...
टेंभू योजनेतून आटपाडी तालुक्यातील पंधरा...आटपाडी, जि. सांगली ः टेंभू योजनेच्या पाण्यातून...