agrowon news in marathi, notice for reliance company, Maharashtra | Agrowon

रिलायन्स विमा कंपनीला पीकविमाप्रकरणी नोटीस

टीम अॅग्रोवन
सोमवार, 16 जुलै 2018

परभणी ः २०१७ च्या खरीप हंगामात परभणी जिल्ह्यात पंतप्रधान पीकविमा योजनेच्या अंमलबजावणीत केलेल्या अनियमिततेप्रकरणी रिलायन्स जनरल इन्श्युरन्स कंपनीला शनिवारी (ता. १४) कारणे दाखवा नोटीस बजावण्यात आली आहे. आठ दिवसांच्या आत सर्व बाबींचा खुलासा करावा, अन्यथा कायदेशीर कारवाई केली जाईल, असा इशारा जिल्हा अधीक्षक कृषी अधिकारी बाळासाहेब शिंदे यांनी नोटिसीद्वारे दिला आहे.

परभणी ः २०१७ च्या खरीप हंगामात परभणी जिल्ह्यात पंतप्रधान पीकविमा योजनेच्या अंमलबजावणीत केलेल्या अनियमिततेप्रकरणी रिलायन्स जनरल इन्श्युरन्स कंपनीला शनिवारी (ता. १४) कारणे दाखवा नोटीस बजावण्यात आली आहे. आठ दिवसांच्या आत सर्व बाबींचा खुलासा करावा, अन्यथा कायदेशीर कारवाई केली जाईल, असा इशारा जिल्हा अधीक्षक कृषी अधिकारी बाळासाहेब शिंदे यांनी नोटिसीद्वारे दिला आहे.

परभणी जिल्ह्यात २०१७ च्या खरीप हंगामात पंतप्रधान पीकविमा योजनेची अमंलबजावणी करण्यासाठी रिलायन्स जनरल इन्श्युरन्स कंपनीची नियुक्ती करण्यात आली होती. त्याअनुषंगाने राज्य शासन आणि रिलायन्स जनरल इन्श्युरन्स कंपनी यांच्यामध्ये झालेल्या करारानुसार अटी आणि शर्तीचे पालन करणे आवश्यक होते.

परंतु रिलायन्स विमा कंपनीने अटी, शर्तींचे पालन न करता पीकविमा योजनेत सहभागी शेतकऱ्यांना विहित वेळेत नुकसान भरपाई अदा केलेली नाही. त्यामुळे शेतकऱ्यांमध्ये नाराजी निर्माण झाली. पीकविमा योजनेत सहभागी झालेल्या शेतकऱ्यांनी १ हजार ३०० च्यावर तक्रारी विमा कंपनीकडे पाठविल्या; परंतु त्यांचे निरसन करण्यात आलेले नाही. विमा कंपनीने तालुका स्तरावर कार्यालय उघडून तेथे विमा प्रतिनिधींची नेमणूक करणे आवश्यक आहे. परंतु कंपनीकडून याबाबत कोणतीही कार्यवाही न झाल्यामुळे शेतकऱ्यांच्या शंकांचे निरसन झाले नाही.

विमा परतावा प्रश्नांवर शेतकऱ्यांनी बेमुदत उपोषणासह विविध आंदोलने सुरू केल्यामुळे कायदा व सुव्यवस्थेचा गंभीर प्रश्न निर्माण झालेला आहे. याप्रकरणी सर्व बाबीचा खुलासा आठ दिवसांत सादर करण्यात यावा, अन्यथा कादेशीर कार्यवाही केली जाईल, असा इशारा जिल्हा अधीक्षक कृषी अधिकारी बाळासाहेब शिंदे यांनी रिलायन्स जनरल इन्श्युरन्स कंपनीचे प्रकाश थाॅमस यांना पाठविलेल्या कारणे दाखवा नोटिसीद्वारे दिला आहे.

अदा केलेली आणि खात्यात जमा रकमेत फरक
पोखर्णी (ता. परभणी) येथील नरहरी सोपान वाघ यांच्या १ हेक्टरवरील मूग पिकाच्या नुकसानीबद्दल विमा कंपनीने ४ हजार ७४६.८७ रुपये, ६० गुंठे उडीद पिकाच्या नुकसानीबद्दल ५८९.९९ रुपये अदा केल्याचे दाखविले आहे. परंतु नरहरी वाघ यांच्या खात्यावर प्रत्यक्षात २ हजार ३५६ रुपये जमा झाले असल्याचे आढळून आले. प्रसाद तातेराव वाघ यांना कंपनीने मूग आणि उडिदाच्या नुकसानीबद्दल अदा केल्याचे दाखविलेली रक्कम आणि त्यांच्या बॅंक खात्यावर जमा झालेली रक्कम यामध्ये १ हजार ७७१.२४ रुपये एवढी तफावत येत आहे. या दोन शेतकऱ्यांना अदा केलेल्या विमा परतावा रकमेची शेतकऱ्यांच्या खात्यावर कमी रक्कम जमा झाल्याचे आढळून आले आहे.


इतर बातम्या
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
ऊसतोड कामगार कल्याण महामंडळाला बळकटी...मुंबई: गोपीनाथराव मुंडे ऊसतोड कामगार कल्याण...
व्यथा लई गंभीर हाय, पण करावंच लागतं !बीड: यंदा ऊस सोडून काहीच नाही. सोयाबीन पावसानं...
कृषी विद्यापीठ कर्मचाऱ्यांचे काळ्या...नगर : कृषी विद्यापीठातील अधिकारी, कर्मचाऱ्यांना...
कांदा दर पाडण्याचा डावनाशिक : जिल्ह्यात सलग दुसऱ्या दिवशी कांदा लिलाव...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
शेतकऱ्यांना मिळणार पिकांचे नवे १६ वाणपुणे: राज्यातील चारही कृषी विद्यापीठांनी...
उन्हाचा चटका वाढू लागलापुणे ः राज्यात पावसाने उघडीप देण्यास सुरूवात केली...
राज्यात सुधारित अंदाजानुसार ५९ लाख टन...पुणे: राज्यात यंदा उसाची उपलब्धता सुधारित...
‘पीएम-किसान’मध्ये बोगस लाभार्थींनी...मालेगाव, जि. नाशिक : पंतप्रधान किसान सन्मान...
शेतीसाठी परिपूर्ण आराखडा तयार करा:...अकोला : शेतकऱ्यांच्या आयुष्यात असलेली अस्थिरता...
व्यापाऱ्यांच्या मुजोरीला शेतकऱ्यांचे...अमरावती : ‘जशास तसे’च्या धर्तीवर उत्तर देत...