agrowon news in marathi, over 17 thousand heacter crop damage in state, Maharashtra | Agrowon

पावसामुळे १७ हजार हेक्टरवरील पिकांचे नुकसान

टीम अॅग्रोवन
बुधवार, 18 जुलै 2018

पुणे: राज्याच्या काही भागात संततधार सुरू असल्यामुळे १७ हजार हेक्टरवरील पिकांचे नुकसान झाल्याचा अंदाज कृषी विभागाच्या सूत्रांनी वर्तविला आहे. ९ जुलैपर्यंत राज्यात ६० टक्के पेरण्या झालेल्या होत्या. 

पुणे: राज्याच्या काही भागात संततधार सुरू असल्यामुळे १७ हजार हेक्टरवरील पिकांचे नुकसान झाल्याचा अंदाज कृषी विभागाच्या सूत्रांनी वर्तविला आहे. ९ जुलैपर्यंत राज्यात ६० टक्के पेरण्या झालेल्या होत्या. 

विदर्भ, पश्चिम महाराष्ट्रातील काही भाग आणि कोकणात जोरदार पाऊस होत आहे. नद्या, नाल्यांना आलेल्या पुरामुळे पिकांचे नुकसान होत असून, नुकसानीची निश्चित माहिती हाती आलेली नाही. ‘मराठवाडा वगळता राज्याच्या बहुतेक भागात चांगला पाऊस झालेला आहे. यामुळे किमान १५ ते १७ हजार हेक्टरवरील पिकांची हानी झाल्याचा अंदाज आहे. कृषी विभागाकडून माहिती गोळा करणे सुरू असून, कापूस किंवा सोयाबीन यासारख्या प्रमुख पिकांना पावसाचा फटका बसल्याची माहिती कोठूनही आलेली नाही,’ असे सूत्रांचे म्हणणे आहे. 

राज्यात ९ जुलैअखेर १९९ तालुक्यांमध्ये १०० टक्क्यांवर पाऊस झालेला आहे. १४० लाख हेक्टरपैकी ८४ लाख हेक्टरच्या पुढे पेरा झालेला असून, चांगल्या पावसामुळे पुढील दोन आठवड्यांत सर्वत्र पेरा झालेला असेल, असे कृषी विभागातील अधिकाऱ्यांचे म्हणणे आहे.

विशेष म्हणजे यंदा जूनच्या पंधरवड्यात पावसाचा खंड पडल्याने पेरण्या लांबणीवर पडल्या होत्या. आतापर्यंत कपाशीचा पेरा ३० लाख हेक्टरवर झाला असून, गेल्या हंगामात पेरा ३१ लाखांच्यावर गेला होता. सोयाबीनचा पेरा २८ लाख हेक्टरच्या पुढे झाला असून, गेल्या हंगामात याच कालावधीत पेरा २५ लाख हेक्टरच्या आसपास होता.

अकोला जिल्ह्यात २१०० हेक्टरवर नुकसान
अकाेला जिल्ह्यात या अाठवड्यात ९ ते १२ जुलै या काळात झालेल्या जोरदार पावसाचा फटका शेतीसह घरांनाही बसला. पावसाच्या पाण्यामुळे जिल्ह्यातील तीन तालुक्यांत सुमारे २१०० हेक्टरवरील पिकांचे नुकसान तर ६९४ घरांची पडझड झाली. तालुका यंत्रणांनी दोन हजार ९४ हेक्टर ८० अार क्षेत्राचे नुकसान झाल्याचा अहवाल दिला असून, तो विभागीय अायुक्तांमार्फत शासनाकडे पाठवण्यात अाला अाहे.

जिल्ह्यात ९ ते १२ जुलै या काळात संततधार पाऊस पडल्याने अनेक ठिकाणी नदी-नाल्यांना पूर आला. याचा सर्वाधिक फटका बाळापूर तालुक्यात बसला असून, या तालुक्यातील १४५० हेक्टरवरील पिकांचे नुकसान झाले. यानंतर मूर्तिजापूरमध्ये ३५० हेक्टर व तेल्हारा तालुक्यात २९४ हेक्टरचे नुकसान झाल्याचा प्राथमिक अंदाज यंत्रणांनी व्यक्त केला अाहे. एकूण दोन हजार ९४ हेक्टर ८० अार जमिनीवरील पिकांचे नुकसान दाखवण्यात अाले अाहे. संततधार पावसामुळे मातीच्या घरांचेही अतोनात नुकसान झाले. जिल्ह्यात या चार दिवसांत ६९४ घरांची पडझड झाली अाहे. यामुळे सुमारे अडीच हजारांपेक्षा अधिक जण बाधित झाले. तर पुरामुळे मूर्तिजापूर तालुक्यात ४० हेक्टर जमीन खरडून गेली अाहे. ९ ते १२ जुलै असा चार दिवस सलग व जोरदार पाऊस झाला. या पावसाने पिकांना तसेच पेरणीचा मोठा दिलासा मिळाला. अाता दोन दिवसांपासून ढगाळ वातावरण असले तरी पावसाने उघड घेतली अाहे. यामुळे पुन्हा एकदा शेतीतील कामांची लगबग वाढणार अाहे.

 


इतर अॅग्रो विशेष
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...