agrowon news in marathi, seed bombing in aurangabad , Maharashtra | Agrowon

डोंगरमाथ्यावर हेलिकॉप्टरद्वारे ‘सीड बॉम्बिंग’

टीम अॅग्रोवन
रविवार, 8 जुलै 2018

दौलताबाद, जि. औरंगाबाद ः येथे भारतात पहिल्यांदाच हेलिकॉप्टरद्वारे अवघड डोंगर माथ्यावर एक लाख सीड बॉम्बिंग (बीज गोळा) करण्याचा शुभारंभ गुरुवारी (ता. ५) विभागीय आयुक्त पुरुषोत्तम भापकर व मुख्य वन संरक्षक प्रकाश महाजन यांच्या हस्ते करण्यात आला.

दौलताबाद, जि. औरंगाबाद ः येथे भारतात पहिल्यांदाच हेलिकॉप्टरद्वारे अवघड डोंगर माथ्यावर एक लाख सीड बॉम्बिंग (बीज गोळा) करण्याचा शुभारंभ गुरुवारी (ता. ५) विभागीय आयुक्त पुरुषोत्तम भापकर व मुख्य वन संरक्षक प्रकाश महाजन यांच्या हस्ते करण्यात आला.

मराठवाड्यात मोठ्या प्रमाणात वन संपदा नष्ट झाली आहे. त्यामुळे मराठवाड्यात पर्जन्यमान कमी झाले आहे. ही बाब लक्षात घेता वन विभाग व संरक्षण विभाग यांच्या संयुक्त विद्यमानाने मागील वर्षी इको बटालियनची स्थापना करण्यात आली. त्या माध्यमातून  दौलताबाद, अब्दीमंडी या परिसरात वृक्ष लागवड करण्यात आली आहे. यंदाही या भागात मोठ्या प्रमाणात वृक्ष लागवड सुरू आहे; परंतु डोंगर माथ्यावर जिथे मनुष्यबळ पोहाेचू शकत नाही, अशा ठिकाणी बीजारोपण केले, तर मोठ्या प्रमाणात डोंगर हिरवे होतील. शिवाय अशा ठिकाणी वन्य संपदा नष्ट करायला कुणी पोहाेचणार नाही, असे वन विभाग व लष्कराच्या लक्षात आले. ही संकल्पना अमलात आणण्यासाठी त्यांनी जवळपास चार लक्ष बिया घेऊन एक लाख सीड बॉम्ब तयार केले.

हे सीड बॉम्ब हेलिकॉप्टरच्या साह्याने डोंगर माथ्यावर टाकण्याची संकल्पना त्यांनी पुणे येथील एलोरा एवीयएशन या कंपनीच्या साह्याने अमलात आणली. ऐतिहासिक देवगिरी किल्ल्याच्या समोरील सुलतान गड डोंगर माथ्यावर गुरुवारी हेलिकॉप्टरमधून सीड बॉम्बिंग करण्यात आले. यात मुख्य स्वरूपात सीताफळ बियांचा समावेश करण्यात आला होता. या वेळी विभागीय आयुक्त पुरुषोत्तम भापकार, वन विभागाचे मुख्य वन संरक्षक प्रकाश महाजन, इको बटालियनचे कर्नल वेंकटेश कुमार, मेजर अरुण कदम, वन संरक्षक एन. बी. गुदगे, उपवनसंरक्षक सतीश वडस्कर, सहायक वन संरक्षक ए. एम. सोनवणे, विभागीय वन अधिकारी यशपाल दिलपाक, एलोरा एव्हीएशनचे वाल्मीक केंद्रे, गौरव भारुका यांची उपस्थिती होती.


इतर अॅग्रो विशेष
कापूस उद्योगाचे चीनमध्ये पाच हजार कोटी...जळगाव ः देशातील सूत व कापूस गाठींचा मोठा खरेदीदार...
हमीदराने खरेदीसाठी तुरीचे संपूर्ण...वाशीम ः तुरीचे स्वतंत्रपणे पीक घेण्याची पद्धत...
पंधरा लाख कापूस गाठींची खानदेशातील...जळगाव ः कापसाची खेडा खरेदी मागील आठवड्यात...
शेतीमाल निर्यातवाढीसाठी सुकाणू समितीची...पुणे : राज्य सरकारने स्वतंत्र कृषी निर्यात धोरण...
बियाणे परवान्यासाठी केंद्रीय पद्धती...नवी दिल्ली: केंद्र सरकार सुधारित बियाणे विधेयक...
शिवनेरीवर उद्या शिवजयंती सोहळापुणे: छत्रपती श्री शिवाजी महाराज यांच्या ३९० व्या...
चीनला होणाऱ्या कोळंबी निर्यातीला फटकानवी दिल्ली: चीनमध्ये कोरोना विषाणूने थैमान...
कापूस, मक्यावरील अळी नियंत्रणाचे काम...अकोला ः नवीन तंत्रज्ञानाचा वापर करून कापूस,...
किमान तापमानात वाढ होण्याचा अंदाजपुणे : राज्यात कमाल व किमान तापमानात सातत्याने...
'सोया’ पदार्थांना मिळवली ग्राहकांकडून...अमरावती जिल्ह्यातील दुर्गम अंजनसिंगी (ता. धामणगाव...
दर्जेदार फरसबीचे वर्षभर उत्पादनकमी कालावधीतील पिके वर्षभर टप्प्याटप्प्याने...
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...
मांसाहारामुळे ‘कोरोना’ अशी अफवा...नागपूर: मांसाहार कोरोना व्हायरसला कारणीभूत...
शेतकऱ्यांचे ‘नाइट लाइफ’ कधी संपेल रे भौ...पुसद, जि. यवतमाळ : ग्रामीण भागात शेतीचे प्रश्‍न...
उन्हाचा चटका कायम राहणारपुणे : निरभ्र आकाशामुळे उन्हाचा ताप वाढून...
संशोधन शेतात पोचले तरच शेतकऱ्यांचा...दापोली, जि. रत्नागिरी ः विद्यापीठांमध्ये चांगल्या...
तुरीच्या नोंदणीकडे शेतकऱ्यांची पाठनागपूर ः खरेदीनंतर चुकाऱ्यास होणारा विलंब आणि...
‘ठिबक’च्या प्रस्तावासाठी २०...सोलापूर : या वर्षी ठिबक सिंचन केलेल्या...