agrowon news in marathi, soyaben crop in crisis, amravati, maharashtra | Page 2 ||| Agrowon

सहा एकरांतील सोयाबीनवर फिरवला नांगर

विनोद इंगोले
सोमवार, 18 सप्टेंबर 2017

सोयाबीनच्या व्यवस्थापनावर एकरी १५ हजार रुपयांचा खर्च झाला. दिवाळी तोंडावर आहे. मुलाबाळांना कपडे व इतर गरजा कशा भागवाव्यात, असा प्रश्‍न पीक हातचे गेल्याने निर्माण झाला आहे. सोयाबीनला शेंगाच धरल्या नसल्याने हे पीक ठेवूनही उपयोग नव्हता. रब्बीतील हरभरा लागवड करण्याशिवाय पर्याय नाही.
- सुभाष विघे, शेतकरी, जळका हिरापूर, ता. भातकुली, जि. अमरावती.

अमरावती : सुमारे बारा एकरांरील सोयाबीनला शेंगाच धरल्या नसल्याने पीक हातचे गेल्याची जाणीव झालेल्या शेतकऱ्याने सहा एकरांरील पिकावर नांगर फिरविला. सुभाष विघे असे या शेतकऱ्याचे नाव असून ते जळका हिरापूर येथील रहिवासी आहेत.

भातकुली तालुक्‍यात पावसाने दिलेला खंड आणि तापमानात झालेली वाढ यामुळे फुलधारणेच्या अवस्थेत असलेल्या सोयाबीनला फटका बसला. पिकावर कीडरोगांचा प्रादुर्भाव झाला. परिणामी फूल आणि त्यानंतर शेंगाही धरल्या नाहीत.

८ हजार ६०० हेक्‍टरवरील सोयाबीनला शेंगाच नाही तर ९ हेक्‍टरवरील क्षेत्र कीडरोगाने प्रादुर्भावग्रस्त आहे. या पिकाची लागवड व व्यवस्थापन खर्चाची भरपाईदेखील शक्‍य नसल्यामुळे शेतकरी पिकावर नांगर फिरवित आहेत. दिवाळीच्या तोंडावर घडलेल्या या प्रकारामुळे शेतकऱ्यांना सण साजरा करण्यासाठी लागणाऱ्या पैशाची सोय कशी करावी, अशी विवंचना लागली आहे.

सुभाष विघे यांच्याकडील संयुक्‍त कुटुंबाची १२ एकर जमीन. यातील सहा एकरांवर सलग तर सहा एकरांत तुरीत आंतरपीक म्हणून सोयाबीन घेतले आहे. या १२ एकरांवरील सोयाबीनला शेंगाच धरल्या नाही. याप्रकरणी त्यांनी रितसर तक्रार केली. त्यानंतर कृषी सहायक व तलाठ्यांनी पाहणी केली. मात्र त्यानंतर याप्रकरणी काहीच हालचाल झाली नाही. अखेरीस त्रस्त सुभाष विघे यांनी सहा एकरांवरील सोयाबीनवर नांगर फिरविला. अधिकाऱ्यांकडून पुन्हा सर्वेक्षण होणार असल्याचे सांगितल्याने त्यांनी तुरीतील सोयाबीन कायम ठेवले.


इतर अॅग्रो विशेष
अतिदुर्गम भागात दुग्धव्यवसायातून...आदिवासी व अतिदुर्गम असलेल्या शेलद- मुंढेवाडी (ता...
प्रक्रिया उद्योगाअभावी संत्रा...नागपूर : राज्यात सध्या संत्र्याखालील सर्वाधिक...
वीस हजार अन्न प्रक्रिया उद्योग होणार...पुणे : प्रधानमंत्री सुक्ष्म अन्न उद्योग उन्नयन...
महाबळेश्वरमध्ये प्रायोगिक तत्त्वावर...मुंबई : महाराष्ट्राचे मिनी काश्मीर आता...
पदवीच्या दुसऱ्या वर्षाच्या प्रवेश...पुणे ः कृषी व मत्स्य विद्याशाखेच्या पदवी...
दुर्गम भागातील गावकऱ्यांनी स्वतःच केला...जामली, जि. अमरावती ः चिखलदरा तालुक्‍यातील...
बारदान्याच्या ६५ कोटींची शेतकऱ्यांना...भंडारा: गेल्या खरीप व रब्बी हंगामात स्वतःचा...
ढगाळ वातावरणामुळे द्राक्ष उत्पादक...सांगली ः : मागील दोन दिवसांतील थंड वारे, ढगाळ...
ऊस तोडणीसाठी हार्वेस्टरला पसंती पुणे : मजूर टंचाईमुळे राज्यातील साखर...
‘ऑपरेशन ग्रीन’ डिसेंबरपर्यंत चालणार पुणे : ‘ऑपरेशन ग्रीन’अंतर्गत भाजीपालावर्गीय...
शासकीय केंद्रातं खरेदीत कापूस कटतीतून...जळगाव ः शासकीय कापूस खरेदीने शेतकऱ्यांना आधार...
गगनबावड्यात यंदा सर्वाधिक पाऊस पुणे ः देशात यंदा परतीचा मॉन्सून अधिक काळ...
ढगाळ वातावरणामुळे आंबा, काजू बागायतदार...सिंधुदुर्ग : जिल्ह्यात ढगाळ वातावरण निर्माण झाले...
आश्वासक रब्बीही ठरतोय आव्हानात्मकखरीप हंगामात झालेली अतिवृष्टी आणि लांबलेल्या...
खासगीकरणाचा वारू किती उधळणार?सरकारने उद्योगधंद्यात सामील असता कामा नये, अशी...
खानदेशात पपई दराचा पुन्हा तिढाजळगाव : खानदेशात पपईचे पीक बऱ्यापैकी काढणीवर आले...
आंदोलक शेतकऱ्यांचा दिल्लीत तळनवी दिल्ली  : दिल्ली पोलिसांनी परवानगी...
राज्यातील आठ जिल्ह्यांत बिबट्याची दहशतनगर : कोरोनामुळे, त्यानंतर पावसाने अडचणीत आलेल्या...
आई-वडिलांकडे दुर्लक्ष केल्यास ३० टक्के...नगर ः आई-वडिलांचा सांभाळ न करणाऱ्या जिल्हा परिषद...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...