agrowon news in marathi,cane sowing will increased by 2.5 lac heacters, Maharashtra | Agrowon

राज्यात उसाची लागवड अडीच लाख हेक्टरने वाढणार
टीम अॅग्रोवन
शनिवार, 7 जुलै 2018

पुणे : राज्यात गेल्या हंगामाच्या तुलनेत यंदा उसाचा पेरा किमान दोन ते अडीच लाख हेक्टरने जादा राहण्याची शक्यता आहे. त्यामुळे मुख्यमंत्र्यांना मंत्री समितीची बैठक यंदा लवकर घेऊन गाळप हंगामाचा संभ्रम निकालात काढावा लागणार आहे. 

राज्यात २०१५-१६ मधील हंगामात शेतकऱ्यांनी ९ लाख ८७ हजार हेक्टरवर ऊस होता. मात्र, टंचाईमुळे २०१६-१७ मध्ये अवघ्या ६लाख ३३ हजार हेक्टरवर ऊस उपलब्ध झाला.  २०१७-१८ मधील हंगामात पुन्हा पेरा वाढून ९ लाख हेक्टर दोन हजार हेक्टरवर ऊस उपलब्ध झाला. २०१८-१९ च्या हंगामासाठी राज्यात ऊस जादा आहे. 

पुणे : राज्यात गेल्या हंगामाच्या तुलनेत यंदा उसाचा पेरा किमान दोन ते अडीच लाख हेक्टरने जादा राहण्याची शक्यता आहे. त्यामुळे मुख्यमंत्र्यांना मंत्री समितीची बैठक यंदा लवकर घेऊन गाळप हंगामाचा संभ्रम निकालात काढावा लागणार आहे. 

राज्यात २०१५-१६ मधील हंगामात शेतकऱ्यांनी ९ लाख ८७ हजार हेक्टरवर ऊस होता. मात्र, टंचाईमुळे २०१६-१७ मध्ये अवघ्या ६लाख ३३ हजार हेक्टरवर ऊस उपलब्ध झाला.  २०१७-१८ मधील हंगामात पुन्हा पेरा वाढून ९ लाख हेक्टर दोन हजार हेक्टरवर ऊस उपलब्ध झाला. २०१८-१९ च्या हंगामासाठी राज्यात ऊस जादा आहे. 

‘‘गेल्या हंगामात प्रतिहेक्टरी उत्पादकता वाढून १०० टनांच्या आसपास राहिली आहे. पुढील हंगामात मात्र इतकी उत्पादकता मिळणार नाही. मात्र, क्षेत्र जादा असल्यामुळे पूर्वतयारी जोरात करावी लागेल. साडेअकरा लाख हेक्टरच्या आसपास यंदा शेतकरी वर्गाने ऊस लावल्याचा आमचा प्राथमिक अंदाज आहे. त्यामुळे साखर कारखाने लवकर सुरू करावे लागतील. अन्यथा शिल्लक उसाची मोठी समस्या उद्भवण्याची शक्यता आहे,’’ असे मत सूत्रांनी व्यक्त केले. 

राज्यात ऊस जादा असूनही सरकार बेफिकीर असल्याचे दिसते आहे. कारण, मंत्री समितीच्या बैठकीचा घोळ यंदाही चालू राहण्याचे संकेत मिळत आहेत. कर्जाचे पुनर्गठन, आजारी साखर कारखान्यांना पुन्हा चालू करण्याबाबत सरकारने सर्वसमावेश अशी तयारी केल्याचे दिसून येत नाही, असे साखर कारखानदार सूत्रांचे म्हणणे आहे. 

‘‘शेतकऱ्यांनी यंदा ऊस वाढविला कारण अद्यापही हमीभावाने खरेदी व पेमेंट देणारे हे एकमेव पीक आहे. पाऊसपाणी चांगला असल्यामुळेदेखील यंदा ऊस भरपूर प्रमाणात मिळणार आहे. एरवी हंगाम एक नोव्हेंबरपासून सुरू केला जातो. मात्र, हंगाम आधी सुरू करणे हिताचे असून, त्यासाठी विधिमंडळाचे अधिवेशन होताच मंत्री समितीची बैठक घेऊन हंगामाची संभ्रमावस्था समाप्त करण्याचा उपाय सरकारकडे आहे,’’ असेही सूत्रांनी सांगितले. 

जादा उसाची उपलब्धता बघता पुढील हंगामासाठी १९० पेक्षा जास्त साखर कारखान्यांची धुराडी पेटवावी लागतील. आजारी साखर कारखानेदेखील सुरू ठेवल्यास स्पर्धा वाढून शेतकऱ्यांनाही ऊस देण्यासाठी पर्याय मिळतो, असे सहकार विभागाचे म्हणणे आहे. 

वाहतुकीच्या टप्प्यांना काही कारखान्यांचा विरोध
उसाचा तोडणी व वाहतूक खर्च हा कारखान्याच्या सभासद शेतकऱ्यांकडून सरसकट कापण्याची परंपरा सुरू होती. गेल्या ऊसदर नियंत्रण मंडळाच्या बैठकीत तोष्णीवाल समितीच्या अहवालानुसार टप्प्यानुसार वाहतूक खर्च आकारण्याचा निर्णय घेण्यात आला आहे. मात्र काही कारखाने अद्यापही या धोरणाला विरोध करीत असून, सभासदांवर सरसकट वाहतूक खर्च लादत आहे. कायद्यानुसार या कारखान्यांवर कारवाईचे अधिकार शासनाला आहेत. मात्र कारवाई करण्याच्या सूचना अजून मिळालेल्या नसल्याचे सूत्रांनी स्पष्ट केले.

इतर ताज्या घडामोडी
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...