Team Agrowon
देशातील ६१ साखर कारखाने फेब्रुवारीअखेर बंद झाले आहेत.
देशातील गळीत हंगाम झपाट्याने अंतिम टप्प्याकडे येत आहे. ५२८ पैकी सध्या ४६७ साखर कारखाने सुरू आहेत.
देशात गेल्या वर्षी या कालावधीत ४८४ साखर कारखाने सुरू होते. यंदा ही संख्या ४६७ वर आली आहे.
गेल्या वर्षी महाराष्ट्र, कर्नाटकामध्ये एप्रिलच्या शेवटच्या आठवड्यापर्यंत मोठ्या प्रमाणात कारखाने चालले.
यंदा मात्र मार्चच्या पंधरवड्यापर्यंत किंवा फार फार तर मार्चच्या शेवटपर्यंतच हंगाम समाप्त होण्याची शक्यता आहे.
फेब्रुवारीच्या पहिल्या पंधरवडाअखेर गेल्या वर्षीच्या तुलनेत साखर उत्पादनात महाराष्ट्राने गती घेतली होती.
मात्र फेब्रुवारीच्या अंतिम टप्‍प्यात महाराष्ट्रात साखर उत्पादनाची गती मंदावली.
फेब्रुवारी अखेरपर्यंत महाराष्ट्रात ९५ लाख टन साखरेचे उत्पादन झाले आहे.