Team Agrowon
मुंबई दुग्ध उत्पादक संघानं शहरात म्हशीच्या दुधाच्या दरात वाढ करण्याच निर्णय घेतला आहे.
यामुळे मुंबईकरांच्या खिशाला अधिकची कात्री लागणार आहे.
मुंबईत सध्या म्हशीच्या दुधाची विक्री ८० रुपये लीटर प्रमाणे केली जात आहे. यामध्ये ५ रुपयांची वाढ करण्यात येणार असून यापुढे खुले दूध ८५ रुपये लीटर प्रमाणे रिटेलर्सना मिळणार आहे.
त्यामुळे किरकोळ ग्राहकांना म्हशीचं दूध एक लीटर घ्यायचं असेल तर त्यांना ९० ते ९५ रुपये मोजावे लागणार आहेत.
ही दरवाढ १ मार्चपासून लागू होणार असून हे दर ३१ ऑगस्टपर्यंत लागू राहणार आहेत.
सध्या शहरात ३ हजारहून अधिक दूध विक्रेते आहेत.
मुंबईत दररोज म्हशीच्या ५० लाख लीटर दुधाची विक्री होते.
चारा, भुस्सा आणि इतर वस्तूंच्या किमतीमध्ये १५ ते २० टक्के वाढ झाली आहे. त्यामुळं दुधाच्या किमती वाढवण्यात आल्या आहेत.