Team Agrowon
बैलगाडी शर्यतीला सर्वोच्च न्यायालयाने परवानगी दिल्यामुळे गावोगावी बैलगाडा शर्यतींचा थरार सुरू झाला आहे.
शर्यत आयोजन करताना मात्र, कोर्टाने दिलेल्या नियमांची काटेकोरपणे अंमलबजावणी करावे लागणार आहे.
महाराष्ट्र सरकारने बैलगाडा शर्यतीच्या आयोजनाबाबत नवीन मार्गदर्शक सूचना जाहीर केल्या आहेत. त्यासाठी पशुसंवर्धन आयुक्तालयाने १६ पानांचे परिपत्रक काढले आहेत.
यामध्ये ग्रामीण संस्कृती आणि परंपरेनुसारचे धार्मिक सण उत्सव, यात्रा, यासाठीच बैलगाडा शर्यतींना परवानगी देण्यात आलेली आहे.
राजकीय कार्यक्रम, नेत्यांचे वाढदिवसनिमित्त बैलगाडी शर्यतीचे आयोजन करण्यास मनाई करण्यात आली आहे.
बैल-घोडा, लाकूड ओंडका ओढणे, चिखलगुट्टा, समुद्रकिनाऱ्यावरील शर्यती, टक्कर तसेच 1000 मीटर पेक्षा जास्त अंतराच्या इतर तत्सम बैलगाडी शर्यतींवर बंदी घालण्यात आली आहे.
शर्यतीच्या आयोजकांनी किमान १५ दिवस अगोदर जिल्हाधिकाऱ्यांकडे अर्ज करावा लागणार. त्यासोबत रु. ५० हजार रुपये मुदत ठेव पावतीच्या स्वरूपात ठेवावी लागणार आहे
कोणत्याही बैलांचा वापर एका दिवसामध्ये 3 पेक्षा अधिक शर्यतीसाठी करण्यात येवू नये.