Team Agrowon
सध्या देशात महागाई वाढली आहे. त्यामुळे डिसेंबरपर्यंत सोन्याची खरेदी मंदावण्याची शक्यता आहे.
ऑक्टोबर ते डिसेंबर या कालावधीतील सोने खरेदी गेल्या वर्षीच्या तुलनेत एक चतुर्थांश कमी होण्याची शक्यता आहे.
Gold Marketवर्ल्ड गोल्ड कौन्सिलने ही माहिती दिली आहे. भारत सोने खरेदीत जगात दुसऱ्या क्रमांकावर आहे. मात्र सध्या सोन्याचे व्यवहार मागच्या दोन वर्षातील नीचांकी पातळीच्या जवळ गेले आहेत.
पण सोन्याची आयात घटल्याने भारताची व्यापारी तूट कमी होऊन रुपयाला आधार मिळू शकतो. कोरोना, लॉकडाऊनमुळे कोलमडलेला सोन्याचा धंदा कसाबसा सावरत मागच्या वर्षात रुळावर येत होता.
मात्र सध्याच्या महागाईमुळे ग्रामीण भागात सोन्याच्या खरेदीत पुन्हा घट होऊ शकते, असे या क्षेत्रातील जाणकारांनी सांगितले.
भारतातील सोन्याच्या मागणीपैकी ७५ टक्के मागणी ग्रामीण भागातून असते. ग्रामीण भागात गुंतवणुकीसाठी सोन्याला सगळ्यात जास्त पसंती दिली जाते.