Team Agrowon
ग्राहकांचा लाडका केसर आंबा यंदा लवकर येण्याचे संकेत खरे ठरताना दिसत आहेत.
तुळजापूर, पंढरपूर व सांगोला भागांतील काही बागांमधील आंबा मार्चअखेर किंवा फारतर एप्रिलच्या पहिल्या आठवड्यात काढायला येतो आहे.
काही बाबींसाठी अनुकूल व काही बाबींसाठी प्रतिकूल असणाऱ्या सध्याच्या वातावरणात व्यवस्थापनात खबरदारी घेणे आवश्यक असल्याचेही आंबा तज्ज्ञांचे म्हणणे आहे
महाकेसर आंबा बागायतदार संघाच्या माहितीनुसार, कोकणा व्यतिरिक्त इतर महाराष्ट्रामध्ये ४५ हजार हेक्टरवर आंबा लागवड आहे.
त्यापैकी साधारणतः १० ते १५ हजार हेक्टर आंबा बागा उत्पादनक्षम असाव्यात. त्यातील काही बागा २० ते २५ वर्षे जुन्या आहेत. तर नवीन ८ ते १० वर्षांतील बहुतेक बागा अतिघन लागवड पद्धतीने लागवड केल्या आहेत.
कोकण वगळता, मराठवाड्यासह राज्यातील केसर आंबा बागा साधारणत: डिसेंबर, जानेवारीमध्ये मोहरतात. यंदा आंबा बागांना मोहर लागणे नोव्हेंबर ते फेब्रुवारी दरम्यान सुरू राहिले.