Team Agrowon
अकोला जिल्ह्यातील अन्वी मिर्झापूर येथील पातालबंशी कुटुंबाने वेलवर्गीय पिकांच्या शेतीचे तंत्र चांगलेच अवगत केले आहे.
उन्हाळी व रब्बी हंगामात बाजारपेठेतील मागणीप्रमाणे या पिकांचे चांगल्या प्रकारे नियोजन केल्यानेच ही पिके कुटुंबाच्या अर्थकारणाचा प्रमुख स्रोत बनली आहेत.
सिंचनाच्या सोयीसुविधा असल्याने शेतकऱ्यांना विविध पिके घेणे शक्य होते.
श्यामलाल व रामलाल या पातालबंशी बंधूंची १२ एकर एकत्रित शेती आहे. यापैकी १० एकरांत सिंचनाची सोय आहे.
श्यामलाल यांचा मुलगा करण मुक्त विद्यापीठातून कृषी पदवीधर झाला असून, तो काही वर्षांपासून शेतीत कुटुंबीयांसह राबतो.
खरिपात कापूस, सोयाबीन आदी पिके होत असली तरी वेलवर्गीय पिके ही या कुटुंबाच्या अर्थकारणाचा मुख्य स्रोत झाली आहेत.
पातालबंशी कुटुंब प्रामुख्याने उन्हाळी व रब्बी अशा दोन हंगामांत वेलवर्गीय भाजीपाला पिकांचे नियोजन करते.
पिकविलेल्या भाजीपाला व्यवस्थित प्रतवारी, स्वच्छता करून अकोलासह मूर्तिजापूर, बोरगावमंजू येथील आठवडी बाजारात विक्रीस नेण्यात येतो.