टीम ॲग्रोवन
कोरोनाच्या संकटानंतर दोन वर्षांनी यंदा सर्वत्र दिवाळी उत्साहात साजरी होत आहे. यावर्षी दिवाळी सण साजरा करण्यावर कोणतेही निर्बंध घालण्यात आले नाहीत.
दिवाळी हा प्रकाशाचा सण. अंधकाराकडून प्रकाशाकडे नेणारा सण म्हणजे दिवाळी. दिवाळीचा पहिला दिवसच सुरू होतो तो म्हणजे वसुबारसपासून.
दिवाळ सणामध्ये वसुबारसचे अनन्य साधारण महत्त्व आहे.
शहराप्रमाणेच ग्रामीण भागातही वसुबारसेचा सण मोठ्या उत्साहात साजरा केला जातो. कामानिमित्त शहरात राहणारे लोक दिवाळ सणासाठी आवर्जून आपल्या गावाकडे जात असतात.
गावाकडे दिवाळी अगदी पारंपारिक पध्दतीने साजरी केली जाते. लहान थोरांसह सर्वजण दिवाळीच्या तयारीत मग्न असतात.
यंदा ग्रामीण भागातही वसुबारस मोठ्या उत्साहात साजरी करण्यात आली.
लहान मुली घरासमोर रांगोळी काढण्यात दंग आहेत. तर घरातील कर्तेधर्ते लोक घराच्या सजावटीमध्ये व्यस्त दिसतात.
दिवाळीचा पहिला दिवस हा गाई वासरांची दिवाळी म्हणून ओळखला जातो. भारतीय संस्कृतीत गायीला मातेचा दर्जा देण्यात आला आहे.