Team Agrowon
साधारणतः स्फुरदयुक्त आणि पालाशयुक्त खते एकाच हप्त्यात पेरणीच्या वेळी आणि बियाण्यापासून पाच सेंमी खोल द्यावीत.
नत्रयुक्त खताची पूर्ण मात्रा एकाच हप्त्यात न देता पिकाच्या अवस्था लक्षात घेऊन दोन ते तीन हप्त्यात द्यावी.
नत्रयुक्त खतांची कार्यक्षमता वाढविण्यासाठी नीम कोटेड युरिया, सल्फर कोटेड युरिया अशा आवरणयुक्त युरिया चा वापर करावा.
नत्र वाहून जाऊ नये म्हणून पाण्याच्या पातळीवर नियंत्रण ठेवावे. खते शक्यतो पेरणीच्या वेळी द्यावीत व मातीने झाकावीत पिकाच्या कालावधीप्रमाणे खताच्या मात्रा विभागून देणे फायदेशीर ठरते.
चुनखडी असलेल्या जमिनीत अमोनियम सल्फेट किंवा युरिया जमिनीच्या पृष्ठभागावर दिल्यास बराच नत्र उडून जातो म्हणून ही खते जमिनीत मिसळून द्यावीत.
स्फुरदाची कार्यक्षमता वाढविण्यासाठी स्फुरद विद्राव्य करणारे जिवाणू (पीएसबी) खतांचा वापर करावा.