Team Agrowon
मागील वर्षाच्या तुलनेत यंदा ही नोंदणीची स्थिती काही प्रमाणात संथ असल्याची स्थिती आहे.
२२ डिसेंबरअखेर महाराष्ट्र व कर्नाटक राज्यात ३१,८२१ प्लॉटची नोंदणी पूर्ण झाली आहे.
यंदा पावसामुळे हंगाम प्रभावित झाल्याने नोंदणी लांबणीवर गेल्याची स्थिती आहे. यामुळे जानेवारी महिन्यापर्यंत याचा टक्का वाढेल, असा अंदाज व्यक्त करण्यात आला आहे.
गोडी बहार छाटण्या झाल्यानंतर ग्रेपनेट प्रणालीत निर्यातक्षम बागांची नोंदणी सुरू होते. हे कामकाज यंदा संथपणे सुरू आहे.
संततधार पाऊस व ऑक्टोबर महिन्यात अतिवृष्टीच्या तडाख्यात गोडीबहर छाटणीची कामे अडचणीत आली. त्यामुळे हंगाम प्रभावित होऊन जवळपास चार आठवडे पुढे गेल्याची स्थिती आहे.
चालूवर्षी आव्हानात्मक परिस्थितीत द्राक्ष उत्पादक हंगामाला सामोरे गेले आहेत. त्यामुळे छाटणी झाल्यानंतर ग्रेपनेट प्रणालीत नोंदणी लांबणीवर गेल्याचे आकडेवारीवरून समोर आले आहे.