Team Agrowon
पुणे : राज्यात बहुतांश ठिकाणी किमान तापमान १८ अंशांखाली आल्याने वाढू लागला आहे.
कमाल तापमानात चढ-उतार सुरू असून, दुपारी उन्हाचा चटका कायम आहे.
रविवारी (ता. ३०) सकाळपर्यंतच्या २४ तासांमध्ये निफाड येथील गहू संशोधन केंद्रात राज्यातील निचांकी १२.२ अंश सेल्सिअस तापमानाची नोंद झाली.
नैर्ऋत्य बंगालच्या उपसागरात दक्षिण श्रीलंकेच्या किनाऱ्यालगत समुद्र सपाटीपासून ३.६ किलोमीटर उंचीवर चक्राकार वारे वाहत आहेत.
तर ईशान्येकडील वारे सक्रिय झाल्याने रविवारी (ता. ३०) दक्षिण भारतात ईशान्य मोसमी वारे (ईशान्य मॉन्सून) सर्वदूर पोचल्याचे हवामान विभागाने जाहीर केले आहे.
उत्तरेकडून वाहणारे थंड व कोरडे वारे पोषक ठरल्याने राज्यात गारठा वाढू लागला आहे.
निरभ्र आकाशामुळे स्वच्छ सूर्यप्रकाश जमिनीवर येऊन दुपारी उन्हाची ताप वाढली आहे.
रविवारी (ता. ३०) सकाळपर्यंतच्या २४ तासांमध्ये कोकण वगळता राज्यात बहुतांशी ठिकाणी किमान तापमान १८ अंशांच्या खाली होते. तर कमाल तापमान २९ ते ३५ अंशांच्या दरम्यान स्थिरावले आहे.