Team Agrowon
दक्षिण भारतात प्रसिद्ध असलेल्या श्री क्षेत्र माळेगाव (ता. लोहा) येथील खंडोबा यात्रा आजपासून (ता. २२) सुरू होईल.
पाच दिवस चालणाऱ्या या यात्रेत विविध स्पर्धांचे आयोजन करण्यात आले आहे.
गेल्या दोन वर्षात कोरोना संसर्गामुळे यात्रेचे मोठ्या प्रमाणात आयोजन झाले नव्हते.
यंदा मात्र मोठ्या उत्साहात यात्रा होईल. त्यामुळे जिल्हा प्रशासनही सज्ज झाले आहे.
माळेगाव यात्रेत दरवर्षी पशुधनाचे प्रदर्शन भरविण्यात येते. यात लालकंधारी, देवणी, खिल्लार आदी गायवर्गातील जातिवंत पशुधन येतात.
यंदा राज्यात लम्पी स्कीनमुळे जिल्हा प्रशासनाने माळेगाव यात्रेत पशुधनाला बंदी घातली आहे.