Team Agrowon
१०० वर्षांची परंपरा असलेला डोळ्याचे पारणे फेडणारा आंबाबाईचा रथोत्सव सोहळा कोल्हापुरात दिमाखात पार पडला.
चैत्र पौर्णिमेच्या दुसऱ्या दिवशी आंबाबाई वर्षातून एकदा नगरवासियांच्या भेटीसाठी मंदिराबाहेर पडते. ही परंपरा गेल्या १०० वर्षांहून अधिक काळापासून सुरू आहे.
यंदा देवीसाठी बनविलेल्या नव्या रथात आंबाबाई विराजमान झाली होती. देवस्थान समितीने रथोत्सवासाठी नवा सागवानी रथ तयार केला आहे.
करवीर निवासिनीचा रथोत्सव पाहण्यासाठी भाविक भक्तांनी अलोट गर्दी केली होती. यावेळी मंदिर परिसर भाविकांच्या गर्दीने फुलून गेला होता.
रथाला केलेल्या विद्युत रोषणाईमुळे रथात बसलेली आंबाबाईची मुर्ती विलोभनीय दिसत होती.
आंबाबाईच्या रथाच्या मार्गावरील रस्ते सुरेख रांगोळीसह फुलांनी सजवण्यात आले होते. यावेळी ठिकठिकाणी फटाक्यांची आतिषबाजीही करण्यात आली.
देवीची आरती झाल्यानंतर तोफेची सलामी देऊन रथोत्सव सोहळ्याला प्रारंभ झाला. आंबाबाईच्या रथापुढे मानाचा घोडा तर रथासोबत चोपदार, मशाल आणि सुरक्षा रक्षक होते.