Team Agrowon
ऊस तोडणीनंतर उसाच्या बुडख्यावर असलेले पाचट बाजूला सरीमध्ये लोटावं व उसाचे बुडखे मोकळे करावेत जेणेकरून त्यावर सूर्यप्रकाश पडून येणारे नवीन कोंब जोमदार येतील.
उसाचे बुडखे मोठे राहिल्यास ते जमिनीलगत धारदार कोयत्याने छाटून घ्यावेत त्यामुळे जमिनीखालील कोंब फुटण्यास वाव मिळतो व फुटव्यांची एकूण संख्या वाढते.
उसाला रासायनिक खतांची मात्रा फेकून देऊ नये.
खोडवा व्यवस्थापनासाठी ट्रॅक्टरचलित पाचट कुट्टी, बुडखे छाटणी, बगला फोडणे, खते देणे इत्यादी कामे सोपी झाली आहेत.
शेतात सरीमध्ये ठेवलेल्या पाचटावर प्रतिहेक्टरी ८० किलो युरिया व १०० किलो सिंगलसुपर फॉस्फेट टाकावे. पाचट कुजवीणारे जिवाणू संवर्धन ओलसर मातीमध्ये मिसळून सम प्रमाणात पाचटावर पसरून टाकाव.
पाचट कुजवण्यासाठी नत्र, स्फुरद आणि पाचट कुजविणाऱ्या जिवाणूंची गरज असते.