लेप्टोस्पायरोसिस आजार कसा टाळावा?

बाधित जनावरांचे मुत्र या आजाराच्या प्रसारास कारणीभूत ठरतात. आजाराने बाधित जनावराच्या मूत्राद्वारे जवळपास ४० दिवस या रोगाचे जंतू बाहेर पडत असतात.

अति पावसाच्या प्रदेशात किंवा पाणथळ जागी जेथे पाणी साठून राहते तसेच ज्या ठिकाणी हवेत आर्द्रतेचे जास्त प्रमाण आहे, अशा ठिकाणी लेप्टोस्पायरोसिस या आजाराचा प्रादुर्भाव दिसून येतो.

या आजाराचा प्रादुर्भाव तत्काळ तीव्र, तत्काळ सौम्य आणि दिर्घकालीन तीव्र या तीन टप्प्यामध्ये दिसून येतो. लहान वयाची वासरे या रोगाला पटकन बळी पडतात.

या आजाराचे निदान करण्यासाठी जनावरांच्या लघवीमधील रोगजंतूचा प्रादुर्भाव तपासून निदान करता येतो.

शरीरावर जखम असल्यास त्वरित उपचार करावेत. लक्षणानुसार प्रभावी प्रतिजैविके पशुवैद्यकाच्या सल्ल्याने द्यावीत.

या आजाराचा प्रसार प्रामुख्याने पिण्याचे पाणी, गवत, चारा यांवर आजारी जनावरांचे मुत्र, गर्भाशयाचा स्त्राव पडल्याने होत असतो.