Team Agrowon
उन्हाच्या काहिलीपासून शरिराला थंडावा मिळावा, यासाठी आपण कलिंगड. द्राक्षे, फणस, शहाळे यासारख्या फळे खातो.
या फळांप्रमाणेच Ice Apple म्हणजेच ताडगोळे हे फळही शरिराला थंड ठेवते. ताडगोळे हे नैसर्गिक पाणी असलेलं एक फळ आहे. त्याच्या जेली सारख्या मऊ गरात भरपूर पाणी असते.
नारळाप्रमाणे थंडगार आणि जेली सारखे दिसणारे हे फळ अतिशय गुणकारी आणि आरोग्यदायी आहे. ताडगोळे खाण्यामुळे तुमच्या शरीराला भरपूर पाणी मिळते.
ताडगोळे हंगामी फळ असल्यामुळे ते फक्त याच दिवसांत मिळते.
ताडगोळ्यामध्ये व्हिटॅमिन्स, मिनरल्स, लोह, झिंक, पोटॅशिअम, फॉस्फरस, कॅल्शिअम असे अनेक गुधर्म असतात.
उन्हाळ्यात शरीराला थंडावा देण्यापासून ते रोग प्रतिकार शक्ती वाढविण्यासारखे अनेक फायदे यामुळे होतात.
विशेष म्हणजे मधुमेही अथवा ह्रदय विकार असलेली माणसंही ताडगोळे खाऊ शकतात.