Team Agrowon
यंदाच्या हंगामावर अवकाळीचे सावट असून, हवामान बदलामुळे यावर्षी झाडांना पालवी जास्त आणि मोहोर कमी लागला आहे.
गेल्या दोन दिवसांत पडलेल्या पावसाने आलेला मोहोर गळाला आहे.
आंब्याचा मोहर गळाल्यामुळे उत्पादक चिंतेत आहेत.
पुणे जिल्ह्यातील पश्‍चिम घाट परिसरातील जुन्नर, खेड, आंबेगाव, मावळ, मुळशी, भोर, वेल्हा आदी तालुक्यांमध्ये मोठ्या प्रमाणावर हापूस, केसर आणि राजापुरी या आंब्याची लागवड आहे.
पुणे जिल्ह्यातील गावरान आंब्याची स्वतंत्र बाजारपेठ असून, कोकणातील आंब्याचा हंगाम मे च्या अखेरिस संपल्यानंतर या गावरान आंब्याचा हंगाम सुरू होतो.
यंदाच्या हंगामावर जानेवारी-फेब्रुवारीपासून बदलत्या हवामानाचे संकट आहे.
गेल्या दोन तीन दिवसांपासून ढगाळ वातावरण, पाऊस यामुळे मोहोर भिजला असून, बोराच्या आकाराच्या कैऱ्या गळून पडल्या आहेत.
त्यातच फवारणीचा खर्च वाढाला असून पाऊस दोन-तीन दिवस राहणार असल्याने फवारणीदेखील करू शकत नाही.