Team Agrowon
ज्वारी हाडे मजबुती तसेच वनज नियंत्रित ठेवण्यास उपयुक्त. रक्ताभिसरणाची क्रिया सुरळीत पार पाडण्यास मदत करते.
अँटिऑक्सिडंट्स अधिक प्रमाणात असल्याने शरीरातील फ्री रॅडिकल्स बाहेर काढत्यासाठी उपयुक्त. शरीरातील ग्लुकोजचे प्रमाण नियंत्रित ठेवण्यास मदत करते.
बाजरीमध्ये उष्मांक जास्त असल्यामुळे थंडीमध्ये शरीरात उष्णता वाढवण्यास फायदेशीर आहे. बाजरीतील पोषक तत्त्वांमुळे शरीरातील कोलेस्ट्रॉल पातळी व रक्तदाब नियंत्रित राखला जातो. दैनंदिन आहारात बाजरी सेवन केल्यामुळे हाडांना मजबुती मिळते. हृदयाचे आरोग्य राखले जाते.
लहान मुलांसाठी शक्तिवर्धक म्हणून नाचणीला ओळखले जाते. वजन नियंत्रित ठेवण्यास फायदेशीर ठरते. लोहाचा उत्तम स्रोत असल्यामुळे गरोदर महिलांच्या पोटातील गर्भाचा विकास होण्यास मदत होते.
राळामधील लोह आणि कॅल्शिअम हाडे मजबूत राखण्यास मदत करतात. रोगप्रतिकारकशक्ती वाढविण्यास उपयुक्त. मज्जासंस्था निरोगी ठेवण्यास मदत करते. पचनसंस्था चांगली राहते. त्यामुळे बद्धकोष्ठतेचा त्रास कमी होतो.
प्रथिनांचा उत्तम स्रोत म्हणून भगर ओळखली जाते. पचनास हलकी असल्याने फायदेशीर. भगरमधील नियासीन (B३) जीवनसत्त्वामुळे त्वचेचे आरोग्य उत्तम राहण्यास मदत होते.