Team Agrowon
बेभरवशाच्या सरकारी हवामान खात्यावरचा लोकांचा विश्वास उडाला तेव्हा लोक स्वयंघोषित हवामान तज्ञाच्या नादी लागले.
मग त्यांनी ही कीर्तनकार बुआ बाबा, महाराज लोकासारखे तारखा बुक करुन सुपारीवर कार्यक्रम लावून स्वतः चे उखळ पांढर करुन घ्यायला सुरवात केलीय.
आलीकड त्यांचा खुप सुळसुळाट सुरु झालाय,युट्युबला त्यांचे व्हिडिओ पाहाता पाहाता लोकांच्या डोळ्याचे खसाडं व्हायची वेळ आलीय,आभाळात आलेल्या ढगाकडे न पाहाता लोकं त्यांचे विडिओ, मॅसेज पाहून पावसा विषयी बोलू लागले आहेत.
एका तज्ञांने सांगितलं मे मध्ये तुफान पाऊस आहे, दुसरा म्हणाला जूनच्या पहिल्या आठवड्यात पेरण्या होतील,तिस-यांने सांगितले जून कोरडा जाण्याची शक्यता आहे,सगळ्या तज्ञांना फाट्यावर मारुन हवामानाने आपला असली रंग दाखवायला सुरुवात केलीय.
मृग नक्षत्र सुरु झालयं तरीअद्याप पर्यंत आमचा भागात अजून पावसाचा थेंब ही पडला नाहीय,त्यात गेल्या महिन्यात पक्ष्यांने काटेरी झाडावर केलेल्या घरट्याच्या निरीक्षणावर बापाने लावलेला पावसाचा अंदाज खरा ठरलाय.
पेरणीसाठी शेतक-यांने राज्याच्या कृषीविभागांकडून देण्यात येणा-या सल्ल्याकडे लक्ष द्यावे,हे सगळे एकूण प्रकरण पाहून मला वाटतं झाडून सगळे स्वयंघोषित हवामान तज्ञ दिवसभर नुसते नांगरटीने दांडाळावेत.