Team Agrowon
कांद्याचे दर कोसळल्याने राज्यभरातील शेतकरी हवालदिल झाला आहे.
याचेच पडसाद आज विधिमंडळाच्या अधिवेशनात उमटताना दिसले.
विरोधी पक्षांच्या नेत्यांनी कांद्याच्या दरावरून सभागृहाच्या पायऱ्यांवर जोरदार निदर्शने केली.
गळ्यात कांद्याच्या माळा घालून आणि डोक्यावर कांद्याच्या टोपल्या घेऊन विरोधी पक्षांचे आमदार सरकार विरोधात घोषणा दिल्या.
कांदा उत्पादकांना सरकारने थेट मदत करून कांद्याची सरकारी खरेदी तातडीने सुरू करण्याची मागणी विरोधी पक्षाच्या नेत्यांनी केली.
कांद्याबरोबरच कापूस, द्राक्ष आणि इतर शेतमालाचे भाव पडले असून दर वाढण्यासाठी सरकारने तात्काळ उपाय करण्याची मागणीही करण्यात आली.
या आंदोलनात विधानसभेचे विरोधी पक्षनेते अजित पवार, अंबादास दानवे आणि इतर आमदार मोठ्या संख्येने सहभागी झाले होते.