Team Agrowon
सोलापूर जिल्ह्यातील अकलूजमध्ये ताराराणी महिला केसरी कुस्ती स्पर्धेचे आयोजन करण्यात आले आहे.
राज्यातील पहिल्या महिला महाराष्ट्र केसरी स्पर्धेसाठी देशभरातील १० राज्यातून ७०० हून अधिक महिला कुस्तीपटूंनी सहभागी झाल्या आहेत.
महाराष्ट्र केसरी स्पर्धा जिंकणाऱ्या स्पर्धकाला एक लाख रुपये रोख आणि चांदीची गदा देण्यात येणार आहे.
मराठी सिनेअभिनेत्री सोनाली कुलकर्णी हिच्या उपस्थितीने सर्वांचेच लक्ष वेधून घेतले.
माजी उपमुख्यमंत्री विजयसिंह मोहिते पाटील आणि नंदिनीदेवी मोहिते पाटील यांच्यासह सिनेअभिनेत्री सोनाली कुलकर्णी , आमदार रणजितसिंह मोहिते पाटील , संयोजिका शितलदेवी धैर्यशील मोहिते पाटील यांच्या हस्ते कुस्ती स्पर्धेचे उद्घाटन करण्यात आले.
ताराराणी महिला केसरी कुस्ती स्पर्धेचा प्रारंभ महिलांनी ज्योत प्रज्वलित करून झाला. यावेळी सोनाली कुलकर्णी आणि इतर महिलांच्या हस्ते कुस्ती लावण्यात आली.
स्पर्धेत सहभागी झालेल्या महिला कुस्तीपटूंची हलगीच्या तालात भव्य दिव्य मिरवणूक काढण्यात आली.