Wheat Sowing : गव्हाचे क्षेत्र सरासरीच्या तुलनेत कमी

यंदाच्या (२०२२) रब्बी हंगामात (Rabi Season) शुक्रवार (ता. १६) पर्यंत परभणी-हिंगोली जिल्ह्यांत गव्हाची ८१ हजार ८१३ पैकी ५८ हजार २५९ हेक्टरवर पेरणी (Wheat Sowing) झाली आहे.

परभणी जिल्ह्यातील जिंतूर, मानवत, हिंगोली जिल्ह्यांतील सेनगाव तालुक्यात गव्हाची सरासरी क्षेत्रापेक्षा जास्त पेरणी झाली आहे.

उर्वरित १२ तालुक्यांत गव्हाचा पेरा कमी आहे.

या दोन जिल्ह्यांत गव्हाच्या सरासरी क्षेत्राच्या तुलनेत पेरणी क्षेत्र अद्याप २३ हजार ५५४ हेक्टरने कमी आहे.

शुक्रवार पर्यंत या दोन जिल्ह्यांत विविध रब्बी पिकांची मिळून एकूण ४ लाख १८ हजार ४४३ हेक्टरवर पेरणी झाली आहे.

परभणी जिल्ह्यात २ लाख ७० हजार ७९४ पैकी २ लाख ६६ हजार १३२ हेक्टरवर (९८.२६ टक्के) पेरणी झाली आहेत.