Team Agrowon
सिंधुदुर्ग जिल्ह्यात यंदाचा जांभूळ हंगाम तेजीत असून, जांभळाला प्रतिकिलो १०० रुपये असा दर देखील मिळत आहे.
गेल्या वर्षी वादळीवाऱ्यांसह सतत पडलेल्या पावसामुळे हंगाम पूर्णतः वाया गेला होता.
जिल्ह्यातील काही गावांचे अर्थकारण आंबा, काजूसह जांभूळ पिकांवर देखील अवलंबून आहे.
कुडाळ आणि सावंतवाडी तालुक्यांत मोठ्या प्रमाणात जांभूळ लागवड आहे. आकेरी, निरुखे, कुंदे परिसरांतील काही उत्पादकांनी नव्याने लागवड केली आहे.
गेल्या वर्षी सतत पडलेल्या अवकाळी पावसामुळे या भागातील संपूर्ण जांभूळ उत्पादन वाया गेले होते.
सिंधुदुर्गातील जांभळावर प्रकिया करणाऱ्या उद्योजकांना गडचिरोलीतून जांभूळ आणावे लागले होते.
सध्या प्रतिकिलोला १०० रुपये दर मिळत आहे. निरुखे, आकेरी परिसरांतील जांभळांना मुंबई, पुणे, कोल्हापूर, सोलापूर बाजारपेठेमध्ये मोठी मागणी आहे.