Team Agrowon
नाचणीमध्ये भरपूर प्रमाणात ऊर्जा आहे. म्हणूनच ज्वारी, गहू अथवा तांदळाला एक पर्याय म्हणून नाचणीचा आहारात समावेश करता येतो.
नाचणीमध्ये कॅल्शिअम भरपूर प्रमाणामध्ये (१०० ग्रॅम मध्ये ३४४ मि.ग्रॅम) असल्यामुळे याचा आहार हाडांना मजबुती देतो.
जास्तीच्या कॅल्शिअममुळे लहान मुलांच्या हाडांची वाढ व मजबुती चांगली होते.
वृद्धापकाळात हाडांची झीज भरून काढण्यासाठी किंवा हाडांचे आजार (ऑस्टीओपोरोसीर, ऑस्टीओपेनीया ठिसूळपणा) टाळण्यासाठी नाचणी उपयुक्त आहे.
नाचणीमध्ये असलेल्या तंतुमय पदार्थांच्या सेवनामुळे पोट साफ राहते. तसेच तंतुमय पदार्थांचे लवकर पचन न झाल्यामुळे सारखी भूक लागत नाही.
वजन कमी करण्यासाठी याचा फायदा होतो. तसेच यामुळे शरीरातील कोलेस्ट्रॅालचे प्रमाण कमी होते. हृदय निरोगी राहते.