Team Agrowon
यंदा रब्बी हंगामात पेरण्यांसाठी पोषक हवामान होते. त्यातच लागवडीच्या काळात मक्याचे भाव तेजीत होते. त्यामुळे रब्बीत मक्याची लागवड ३ टक्क्यांनी वाढली.
यंदा देशात जवळपास २३ लाख हेक्टर क्षेत्रावर मक्याचा पेरा झाला.
मागील रब्बी हंगामात ११० लाख टनांच्या आसपास उत्पादन झालं होतं. यंदा फेब्रुवारी महिन्यात उष्णता जास्त होती.
मार्च महिन्यात देशातील अनेक मका उत्पादक भागांमध्ये पावसानं तडाखा दिला. त्याचा मका उत्पादनावर परिणाम होणार असल्याचं शेतकरीही सांगतायत.
एप्रिलमध्ये रब्बीतील मका बाजारात येईल. मक्याची काढणी सुरु झाल्यानंतर उत्पादनात नेमका किती फटका बसला हे स्पष्ट होईल.