Lumpy Skin : अमरावती जिल्ह्यातील दहा गावे नियंत्रित क्षेत्र जारी

जनावरांमधील लम्पी चर्मरोगाच्या प्रादुर्भावाच्या पार्श्वभूमीवर धारणी, चिखलदरा व अचलपूर या तीन तालुक्यांतील एकूण दहा गावांमध्ये नियंत्रित क्षेत्र जाहीर करण्यात आले आहे.
Lumpy Skin Disease
Lumpy Skin DiseaseAgrowon

अमरावती : जनावरांमधील लम्पी चर्मरोगाच्या प्रादुर्भावाच्या (Lumpy Skin Disease) पार्श्वभूमीवर धारणी, चिखलदरा व अचलपूर या तीन तालुक्यांतील एकूण दहा गावांमध्ये नियंत्रित क्षेत्र जाहीर करण्यात आले आहे. तसे आदेश जिल्हाधिकारी पवनीत कौर यांनी जारी केले आहेत.

Lumpy Skin Disease
Lumpy Skin Disease : लंपी स्किन आजाराला कसं रोखाल ?

धारणी तालुक्यातील मौजे सावलीखेडा, सोनाबर्डी, बाबंदा, धुळघाट रोड, झिल्पी व पाडिदम, तसेच चिखलदरा तालुक्यातील मौजे पिपादरी, अंबापाटी आणि अचलपूर तालुक्यातील मौजे धामणगाव गढी, व वडगाव फत्तेपूर येथील पशुधनामध्ये गो व म्हैस या वर्गातील जनावरांना होणाऱ्या लम्पी चर्मरोग या विषाणूजन्य त्वचारोगाचा प्रादुर्भाव आढळून आला आहे. या आजारामुळे जनावरांची कार्यक्षमता कमी होते.

परिणामी दूध उत्पादन कमी होऊन पशुपालकांचे आर्थिक नुकसान होते. त्यामुळे प्रतिबंधात्मक उपाययोजना होण्याबाबत जिल्हा पशुसंवर्धन उपायुक्तांनी प्रस्ताव सादर केला, त्यानुसार या दहा गावांमध्ये नियंत्रित क्षेत्र जाहीर करण्यात आले आहे. प्राण्यांमधील संक्रमण व सांसर्गिक रोगास प्रतिबंध व नियंत्रण अधिनियम, २००९ मधील कलम १२ व १३ अन्वये या नियंत्रण क्षेत्राच्या १० किलोमीटर परिघात जनावरांचे बाजार, वाहतूक, जत्रा व प्रदर्शन, बैलांच्या शर्यती आयोजित करण्यास पुढील आदेशापर्यंत प्रतिबंध करण्यात आला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com