Lumpy Skin : सांगलीत पशुपालकांना ११ लाखांची भरपाई

४८ जनावरांच्या मालकांना शासनाने जाहीर केलेली आर्थिक मदत मिळाली आहे. मात्र, अद्याप ६१ जनावरांच्या मालकांनी ही मदत मिळालेली नाही.
Lumpy Skin Disease
Lumpy Skin DiseaseAgrowon

सांगली ः जिल्ह्यात लम्पी स्कीन आजाराने (Lumpy Skin Disease) १०९ जनावरांचा मृत्यू झाला. त्यापैकी ४८ जनावरांच्या मालकांना शासनाने जाहीर केलेली आर्थिक मदत (Government Aid) मिळाली आहे. मात्र, अद्याप ६१ जनावरांच्या मालकांनी ही मदत मिळालेली नाही. त्यामुळे ही मदत कधी मिळणार, असा प्रश्न उपस्थित होऊ लागला आहे.

Lumpy Skin Disease
Lumpy Skin : वसुबारसेला ग्रामपंचायतींकडून गोठे, परिसराची स्वच्छता

जिल्ह्यात लम्पी स्कीन आजाराने थैमान घातले आहे. आतापर्यंत १ हजार ६६४ जनावरांचा या आजाराचा प्रादुर्भाव झाला आहे. त्यापैकी ५०१ जनावरे बरी झाली आहेत. लम्पी स्कीनचा प्रादुर्भाव होऊ नये यासाठी पशुसंवर्धन विभागाने तातडीने लसीकरण करण्याची मोहीम हाती घेतली आहे. दरम्यान, शासनाने या रोगाने मृत्यू झालेल्या जनावरांच्या मालकांना आर्थिक मदत करण्याचे जाहीर केले.

त्यानुसार जिल्ह्यातील पशुपालकांना ३० हजार रुपयांप्रमाणे आर्थिक मदत देण्यात आली आहे. तसेच बैलांसाठी २५ हजार आणि वासरांच्या पशुपालकांना १६ हजार रुपये संबंधितांच्या खात्यावर जमा करण्यात आले आहेत.

जिल्ह्यातील लम्पी स्कीनमुळे मृत्यू झालेल्या २४ गाई, ९ बैल आणि १५ वासरे अशा ४८ जनावरांच्या पशुपालकांना शासनाकडून आर्थिक मदत देण्यात आली आहे. त्यापोटी ११ लाख ८५ हजार रुपयांचा निधी पशुपालकांच्या खात्यावर जमा करण्यात आला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com