Lumpy Skin : लम्पी स्कीन आजारामुळे २२१ जनावरे दगावली

परभणी जिल्ह्यात लम्पी स्कीन आजारामुळे बाधित जनावरांची संख्या गुरुवार (ता. २२) पर्यंत ३ हजार २१४ पर्यंत वाढली. त्यापैकी २२१ जनावरे दगावली असून, त्यात गायी ३०, बैल ७१, वासरे १२० यांचा समावेश आहे.
Lumpy Skin
Lumpy SkinAgrowon

परभणी ः परभणी जिल्ह्यात लम्पी स्कीन आजारामुळे (Lumpy Skin Disease) बाधित जनावरांची संख्या गुरुवार (ता. २२) पर्यंत ३ हजार २१४ पर्यंत वाढली. त्यापैकी २२१ जनावरे दगावली (Animal Death) असून, त्यात गायी ३०, बैल ७१, वासरे १२० यांचा समावेश आहे. उपचारानंतर १ हजार ८७६ जनावरे बरी झाली आहेत. सध्या या आजाराच्या १ हजार ११७ सक्रिय जनावरांपैकी ६१ जनावरे गंभीर आहेत, अशी माहिती जिल्हा पशुसंवर्धन उपायुक्त डॉ. पी. पी. नेमाडे यांनी दिली.

Lumpy Skin
Lumpy Skin : लम्पी स्कीन आजाराने बाधित ८० टक्के पशुधन उपचाराने बरे

गुरुवार (ता. २२) पर्यंत जिल्ह्यातील सर्व नऊ तालुक्यांतील ८४९ पैकी ३५७ गावांतील १ हजार २७१ गायी आणि १ हजार ९४३ बैलांना या आजारांचा प्रादुर्भाव झाल्याचे आढळून आले आहे. जिल्ह्यात लम्पी स्कीन आजाराची ईपी सेंटर १४२ आहे. ईपी सेंटरच्या ५ किलोमीटर परिघातील गावांची संख्या ६१८ झाली आहे.

Lumpy Skin
Lumpy Skin : ‘लम्पी स्कीन’चा जनावरे बाजाराला फटका

परभणी जिल्ह्यात एकूण जनावरांची संख्या ३ लाख ९८ हजार ३५६ होती. त्यात १ लाख ३७ हजार १५० गायवर्गीय, १ लाख ६२ हजार ७११ बैलवर्गीय आणि ९८ हजार ४९५ म्हैस वर्गीय जनावरांचा समावेश आहे. जिल्ह्यातील १ लाख ३७ हजार १५० गाय वर्गीय आणि १ लाख ६२ हजार ७११ बैलवर्गीय असे एकूण २ लाख ९९ हजार ८६१ जनावरांच्या लसीकरणांसाठी २ लाख ९९ हजार ३०० लसी प्राप्त झाल्या होत्या.

गोशाळांतील ३ हजार ९९५ जनावरांचे लसीकरण करण्यात आले. जिल्ह्यात गोवर्गात केलेले स्वच्छ लसीकरण ३१ हजार ६८९ आहे. गुरुवार (ता. २२) पर्यंत १ लाख ३८ हजार ९१६ गायवर्गीय आणि १ लाख ५२ हजार ८६९ बैलवर्गीय आणि ५ हजार ४६९ म्हशी असे एकूण २ लाख ९७ हजार २५४ जनावरांचे (९९.१३ टक्के) लसीकरण पूर्ण झाले आहे. एकूण २ हजार ४६ लस मात्रा शिल्लक होत्या, असे डॉ. नेमाडे म्हणाले.

‘लम्पी स्कीन’मुळे दगावलेली तालुकानिहाय जनावरे

तालुका गाय बैल वासरू एकूण

परभणी १५ ११ ३१ ५७

जिंतूर ४ ८ २५ ३७

सेलू २ १० ५ १७

मानवत २ १४ १९ ३६

पाथरी २ ४ ३ ९

सोनपेठ २ ५ २ ९

गंगाखेड १ ७ २० २८

पालम १ ५ ६ १२

पूर्णा १ ६ ९ १६

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com