Lumpy Skin : जिल्ह्यात ‘लम्पी’मुळे २७ जनावरांचा मृत्यू

जिल्ह्यातील ४८१ जनावरांना लम्पी स्कीन आजाराची बाधा झाली आहे. तर आज पर्यंत २७ जनावरे लम्पी स्कीन आजारामुळे मृत्यूमुखी पडली आहेत.
Lumpy Skin
Lumpy SkinAgrowon

नांदेड : जिल्ह्यातील ४८१ जनावरांना लम्पी स्कीन आजाराची (Lumpy Skin Disease) बाधा झाली आहे. तर आज पर्यंत २७ जनावरे लम्पी स्कीन आजारामुळे मृत्यूमुखी पडली आहेत. लम्पी स्कीनच्या नियंत्रणासाठी तीन लाख ९६ हजार ५५० जनावरांचे लसीकरण (Lumpy Vaccination) पूर्ण झाले आहे.

Lumpy Skin
Lumpy Vaccination : पशुधन विमा योजना तीन वर्षांपासून बंद

तर नऊ पशुपालकांना शासनाच्या निकषानुसार अर्थसाहाय्य देण्यात आल्याची, माहिती जिल्हा पशुसंवर्धन उपआयुक्त डॉ. मधुसूदन रत्नपारखी यांनी दिली. आजच्या घडीला नांदेड जिल्ह्यातील ६८ गावे बाधित आहेत. या ६८ गावातील ३१ हजार ७५५ जनावरांपैकी ४८१ बाधित पशुधनाला वेगळे काढून त्यांच्यावर उपचार केले जात आहेत.

Lumpy Skin
Lumpy Skin : लम्पी स्कीनचा प्रादुर्भाव बुलडाण्यात कायम

बाधित गावाच्या पाच किलोमीटर परिघातील गावांची संख्या ३८१ आहे. सध्या बाधित गावांची संख्या ४४९ झाली आहेत. या बाधित ६८ गावांच्या पाच किलोमीटर परिघातील ४४९ गावातील (बाधित ६८ गावांसह) एक लाख २३ हजार ५७६ जनावरांची संख्या आहे.

लम्पीमुळे आजपर्यंत २७ जनावरांचा मृत्यू झाला आहे. पशुपालकांनी घाबरून न जाता पशूची स्वच्छता, गोठ्यातील स्वच्छता व पशुवैद्यकीय अधिकारी यांनी सांगितल्याप्रमाणे काळजी घ्यावी, असे आवाहन जिल्हा प्रशासनाने केले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com