नांदेड : जिल्ह्यात लम्पी स्कीन आजाराचा प्रादुर्भाव (Lumpy Skin Outbreak) झपाट्याने वाढत आहे. आजपर्यंत ४२९ गायवर्ग पशुधनाला (Livestock Infected By Lumpy Skin) ‘लम्पी’ची बाधा झाली आहे. तर २६ जनावरांचा मृत्यू झाले आहेत. लम्पी स्कीन आजाराने मृत (Animal Died Due To Lumpy Skin) झालेल्या जनावराच्या नऊ पशुपालकांना अर्थसाह्य देण्यात आल्याची माहिती जिल्हा पशुसंवर्धन उपआयुक्त डॉ. मधुसूदन रत्नपारखी यांनी दिली.
जिल्ह्यात लम्पी स्कीन आजाराचा प्रसार झपाट्याने वाढत आहे. प्रशासनाकडून या आजाराचा प्रसार होऊ नये यासाठी उपाययोजना केल्या जात आहे. परंतु बाधित जनावरांच्या संख्येत रोज भर पडत आहे. लम्पीच्या नियंत्रणासाठी जिल्हा प्रशासनामार्फत तीन लाख ७९ हजार १२ पशुधनाचे लसीकरण पूर्ण झाले आहे.
बाधित ६३ गावांच्या पाच किलोमीटर परिघातील ४२२ गावांतील एक लाख १४ हजार २६८ जनावरांची संख्या आहे. लम्पीमुळे मृत पशुधनाची संख्या २६ झाली आहे. पशुपालकांनी घाबरून न जाता आपल्या पशूची स्वच्छता, गोठ्यातील स्वच्छता व पशुवैद्यकीय अधिकारी यांनी सांगितल्याप्रमाणे काळजी घ्यावी, असे आवाहन जिल्हा प्रशासनाने केले आहे.
जिल्ह्यातील स्थिती अशी...
आजच्या घडीला जिल्ह्यातील ६३ गावे लम्पी बाधित आहेत. या ६३ गावांत एकूण २९ हजार ८३१ गाय वर्ग जनावरे आहेत. यातील ४२९ बाधित पशुधनाला वेगळे काढून त्यांच्यावर उपचार केले जात आहेत. बाधित गावाच्या पाच किलोमीटर परिघातील गावांची संख्या ३५९ झाली आहे. एकूण बाधित गावांची संख्या ४२२ झाली आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
