Junnar News: पिंपरी पेंढारला अपघातात ९ म्हशींचा मृत्यू

मुंबई येथून कल्याण नगर महामार्गाने म्हशी घेऊन जाणारा टेंपो पिंपरी पेंढार गावच्या हद्दीतील साईनगर येथील वळणावर आला असता चालकाचा टेंपोवरील ताबा सुटल्याने तो रस्त्याच्या लगत असलेल्या खड्यात जाऊन पलटी झाला.
Junnar News
Junnar NewsAgrowon

पिंपळवंडी (ता.जुन्नर) - नगर कल्याण महामार्गावर पिंपरी पेंढार(ता.जुन्नर) येथे म्हशी घेऊन जाणारा टेंपो पलटी झाल्याने आठ म्हशी मुत्यूमुखी (Buffalo Died) पडल्या असुन चालकासह दोघे गंभीर जखमी झाल्याची घटना मंगळवारी(ता.१०) पहाटेच्या सुमारास घडली.

Junnar News
Buffalo Market : म्हशींचा बाजार भरवण्यास अखेर परवानगी

याबाबत मिळालेल्या माहितीनुसार मुंबई येथून कल्याण नगर महामार्गाने म्हशी घेऊन जाणारा टेंपो पिंपरी पेंढार गावच्या हद्दीतील साईनगर येथील वळणावर आला असता चालकाचा टेंपोवरील ताबा सुटल्याने तो रस्त्याच्या लगत असलेल्या खड्यात जाऊन पलटी झाला.

Junnar News
Cow Buffalo Subsidy : गाई-म्हशी खरेदीसाठी अनुदान मिळणार

या दुर्घटनेत टेम्पोत भरलेल्या दहा म्हशींपैकी आठ म्हशींचा जागीच मृत्यू झाला तर चालक व आणखी एकजण जखमी झाल्याची माहिती ओतुर पोलिसांनी दिली.

स्थानिक ग्रामस्थांच्या मदतीने दोन्ही जखमींना आळेफाटा येथील खासगी रुग्णालयात उपचारासाठी दाखल केले आहे.

अपघाताची माहिती मिळताच ओतूर पोलीस स्टेशनचे सहाय्यक पोलीस निरीक्षक परशुराम कांबळे यांच्या मार्गदर्शनाखाली पोलीस हवालदार दत्ता तळपाडे, संदीप भोते, शाम जायभाय, अमोल पालवे घटनास्थळी हजर झाले व परिस्थिती नियंत्रणात आणली.

दरम्यान पशुवैद्यकीय अधिकारी डॉ. मंगेश खिल्लारी व डॉ. कैलास लुधरकर यांनी म्हशींची तपासणी करून आठ म्हशी मृत असल्याचे घोषित केले.तर दोन म्हशी गंभीर जखमी आहेत. याबाबत पुढील तपास ओतुर पोलीस करत आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com