Lumpy Skin : फिरत्या पशुचिकित्सालयामुळे ‘लम्पी’चे ९० टक्के लसीकरण

गोठ्यातच पशुधनाला उपचार मिळण्यासाठी जिल्हा परिषदेच्या पशुसंवर्धन विभागाने फिरते पशुचिकित्सालय (मोबाईल व्हॅन) सुरू केली आहे.
Lumpy Skin
Lumpy SkinAgrowon

पुणे : गोठ्यातच पशुधनाला (Lumpy Skin) उपचार मिळण्यासाठी जिल्हा परिषदेच्या पशुसंवर्धन विभागाने फिरते पशुचिकित्सालय (मोबाईल व्हॅन) सुरू केली आहे. या वाहनाद्वारे पशुधनावर उपचारास चांगलाच वेग आला आहे. विशेष म्हणजे गेल्या काही दिवसांपासून वाढलेल्या लम्पी स्कीन आजाराच्या पार्श्वभूमीवर जनावरांना लसीकरणासाठी हे वाहन उपयुक्त ठरत आहे. यामुळेच जिल्ह्यात आतापर्यंत ९० टक्क्यांहून जनावरांचे लसीकरण झाल्याची माहिती सूत्रांनी दिली आहे.

Lumpy Skin
Lumpy Skin : लम्पी स्कीन ’मुळे बीड जिल्ह्यात ८४ जनावरांचा मृत्यू

सध्या जिल्ह्यात २५ मोबाईल वाहने कार्यरत आहेत. राज्यात पहिले फिरते पशुचिकित्सालय पुणे जिल्हा परिषदेत सुरू करण्यात आले आहे. जिल्हा परिषदेचे मुख्य कार्यकारी अधिकारी आयुष प्रसाद यांच्या पुढाकारातून या वाहनाचा प्रभावी पद्धतीने वापर करण्यात येत आहे. ग्रामीण आणि दुर्गम भागात पशुधनाला वेळेत, परवडणाऱ्या दरात उपचार मिळत आहेत.

त्यासाठी १९६२ या टोल फ्री क्रमांकावर संपर्क केल्यास या मोबाईल वाहनांद्वारे ठरलेल्या गावातील पशुरूग्णास सेवा देण्यात येत आहे. तज्ज्ञ शासकीय पशुवैद्यक आणि वैद्यकीय उपकरणे या वाहनात असतात. त्यामुळे अन्य उपचारांसोबतच अवघड शस्त्रक्रियाही या वाहनाच्या मदतीने केल्या जात आहेत. विशेष म्हणजे ही सर्व वाहने जीपीएस प्रणालीने सुसज्ज आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com