Lumpy Skin : ‘त्यांच्या’ पुढाकाराने विनामूल्य प्रतिबंधात्मक औषधाचे वाटप

गेल्या दोन महिन्यांपेक्षा अधिक काळापासून लम्पी स्कीन रोगाच्या प्रादुर्भावामुळे पशुपालक चिंतातूर झालेले आहेत. काहींची जनावरेही दगावली. शासनाकडून जनावरांचे लसीकरण केले जात असून पशुपालक आपल्या स्तरावरसुद्धा उपचारासाठी धावपळ करीत आहेत.
Lumpy Skin
Lumpy Skin Agrowon

अकोला ः गेल्या दोन महिन्यांपेक्षा अधिक काळापासून लम्पी स्कीन रोगाच्या (Lumpy Skin Disease) प्रादुर्भावामुळे पशुपालक चिंतातूर झालेले आहेत. काहींची जनावरेही दगावली. (Animal Death Due To Lumpy Skin) शासनाकडून जनावरांचे लसीकरण (Lumpy Vaccination) केले जात असून पशुपालक आपल्या स्तरावरसुद्धा उपचारासाठी धावपळ करीत आहेत.

Lumpy Skin
Lumpy Vaccination : पशुधन विमा योजना तीन वर्षांपासून बंद

जिल्ह्यात बाळापूर तालुक्यातील शेळद फाटा येथे डॉ. गजानन पाटील टिकार व मुरलीधर राऊत या दोघांच्या पुढाकाराने विनामूल्य प्रतिबंधात्मक औषधाचे वाटप होत आहे. गेल्या १५ दिवसांपासून त्यांचा हा उपक्रम सुरू असून, गावोगावी त्याची वार्ता पसरल्याने विविध जिल्ह्यातील पशुपालक येत आहेत.

Lumpy Skin
Lumpy Skin : ‘लम्पी स्कीन’मुळे आतापर्यंत ३ हजार ९२ पशुधनाचा मृत्यू

लसीकरण केलेल्या जनावरांचे सुधारण्याचे प्रमाण अधिक असले तरी तरी धास्तावलेले पशुपालक घरगुती, आयुर्वेदिक उपायांवरही जोर देत आहेत. अकोला जिल्ह्यात शेळद फाटा येथे असलेल्या हॉटेल मराठाचे संचालक मुरलीधर राऊत यांच्या पुढाकाराने सकाळी ११ ते १२ या एक तासात मोफत औषध पुरवले जाते.

डॉ. गजानन पाटील टिकार यांनी तयार केलेल्या या औषधाचा अकोला, बुलडाणा, वाशीमसह लगतच्या जिल्ह्यांतील असंख्य पशुपालकांनी उपयोग केला.

‘औषध द्या, उपचार बंद करू नका’

या आयुर्वेदिक औषधाचे कुठलेही दुष्परिणाम होत नाहीत. हे औषध देत असताना पशुवैद्यकीय उपचार जर सुरू असतील तर तेही बंद करू नका, असे या ठिकाणी वारंवार पशुपालकांना सांगितले जाते. आजवर औषधाचा वापर केलेल्या एकाही पशुपालकांची तक्रार तर नाहीच उलट जनावर बरे झाल्याचे अनेकांचे फोन येत असल्याचे श्री. राऊत यांनी सांगितले. ही औषधी गाठेवर लावण्यात येते शिवाय चारा खात नसलेल्या जनावराला पोटातून देण्यात येते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com