Lumpy Skin : गडचिरोली जिल्ह्यात ‘लम्पी स्कीन’चा शिरकाव

लम्पी स्कीन आजाराने अखेर गडचिरोली जिल्ह्यात शिरकाव केला आहे. त्यामुळे जिल्ह्यातील पशुपालक चिंताग्रस्त झाले आहेत.
Lumpy Skin
Lumpy SkinAgrowon

गडचिरोली : ‘‘लम्पी स्कीन (lumpy skin) आजाराने अखेर गडचिरोली जिल्ह्यात शिरकाव केला आहे. त्यामुळे जिल्ह्यातील पशुपालक चिंताग्रस्त झाले आहेत. मात्र पशुपालकांनी सतर्कता बाळगून नियमांचे पालन करावे,’’ असे आवाहन जिल्हाधिकारी संजय मिणा यांनी केले.

गडचिरोली तालुक्यातील शिवणी येथील पशुधनामध्ये पहिल्यांदाच लम्पी स्कीन आजारसदृश लक्षणे निदर्शनास आली आहेत. या बाधित जनावरांचे नमुने गोळा करण्यात आले आहेत. हे नमुने प्रयोगशाळेत पाठविण्यात आले आहेत. शिवणी हे गाव बाधित क्षेत्र म्हणून घोषित करण्यात आले असून त्याच्या ठिकाणापासून ५ किलोमीटरपर्यंतचा परिसर सतर्कता क्षेत्र म्हणून घोषित करण्यात आले आहे.

Lumpy Skin
Crop Damage Survey : ‘पंचनामे राहिलेल्या शेतकऱ्यांनो संपर्क साधा’

सतर्कता क्षेत्रात कनेरी, पुलखल, मुडझा (बु.), मुडझा (तु.), वाकडी, डोंगरगाव (बु.), डोंगरगाव (तु.), हिरापूर चक व कृपाळा ही गावे समाविष्ट आहेत. या गावांत एकूण लसीकरण ४३१० इतके झाले आहे. उर्वरित जनावरांना नजीकच्या पशुवैद्यकीय दवाखान्यात नेऊन तत्काळ लसीकरण करून घ्यावे, असे आवाहन मिणा यांनी केले. गडचिरोली जिल्ह्यात एकूण ४ लाख ३० हजार लसमात्रा प्राप्त झाल्या आहेत. आतापर्यंत ४ लाख ४ हजार ४४६ इतके लसीकरण करण्यात आले आहे.

...ही आढळतात लक्षणे

या आजारात पशूंना ताप येणे, पूर्ण शरीरावर १०-१५ सेंमी व्यासाच्या कडक गाठी येणे, तोंड, नाक व डोळ्यात व्रण निर्माण होणे, चारा चघळण्यास त्रास होणे, अशक्तपणा, भूक कमी होणे, वजन कमी होणे, दूध उत्पादन कमी होणे, डोळ्यातील व्रणामुळे दृष्टी बाधित होणे, काही वेळा फुफ्फुसदाह किंवा स्तनदाह होणे, पायावर सूज येऊन लंगडणे, गाभण जनावरांमध्ये गर्भपात होणे, अशी लक्षणे दिसून येतात. या रोगाने बाधित जनावरे दोन-तीन आठवड्यात बरी होतात. त्यामुळे वेळीच उपचार करून घ्यावा, असे आवाहन मिणा यांनी केले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com