Milk Production : उन्हाळ्यातही कशी झाली दुग्धोत्पादनात वाढ?

दूध उत्पादन करणाऱ्या शेतकऱ्यांनी शेतामध्ये जानेवारी महिन्यात मका-ज्वारी इत्यादी हिरवा पाला देणाऱ्या पिकांची पेरणी केली होती.
Milk Production
Milk ProductionAgrowon

Mangao News : दूध उत्पादन (Milk Production) करणाऱ्या शेतकऱ्यांनी शेतामध्ये जानेवारी महिन्यात मका-ज्वारी इत्यादी हिरवा पाला देणाऱ्या पिकांची पेरणी केली होती. उन्हाळ्यात ही पिके बहरली असून, या हिरव्या चाऱ्याचा उपयोग दूध देणाऱ्या जनावरांना खाद्य म्हणून केला जात आहे.

त्‍यामुळे ऐन उन्हाळ्यातही दुधाच्या उत्पादनात घट झाली नसून, चांगले दुग्धोत्पादन होत आहे. यामुळे शेतकरी सुखावले आहेत.

उन्हाळ्यात दुग्धोत्पादन करणाऱ्या शेतकऱ्यांना गुरांच्या हिरव्या चाऱ्याची चिंता सतावेत असते. ऐन उन्हाळ्यात गुरांना हिरवा चारा उपलब्ध होत नसल्याने दूध उत्पादनात लक्षणीय घट होते. दुग्ध उत्पादनात होणारी घट भरून काढण्याचा शेतकऱ्यांचा नेहमीच प्रयत्न असतो. उन्हाळ्यात सुका पेंढा व इतर खाद्यान्न उपलब्ध होते.

मात्र, यामुळे दूध उत्पादनात वाढ होत नाही. या दुधाची घट भरून काढण्यासाठी तालुक्यातील दूध उत्पादन करणाऱ्या शेतकऱ्यांनी जानेवारी महिन्यात मका-ज्वारीची पेरणी केली होती.

Milk Production
Buffalo Milk Fat : म्हशींची संख्या घटल्यामुळे देशात दुधावरची मलई आटली

ऐन उन्हाळ्यात ही पिके बहरली असल्याने गुरांना हिरवा चारा उपलब्ध झाला आहे. या चाऱ्याचा उपयोग दूध देणाऱ्या जनावरांना खाद्य म्हणून केला जात असल्याने चांगले दुग्धोत्पादन होत आहे. यामुळे शेतकरी सुखावले आहेत. स्वतःच्या किंवा भाड्याने घेतलेल्या शेतीमध्ये उन्हाळी दिवसात मका, ज्वारीचे पीक फक्त गुरांना खाद्य म्हणून घेतले जात आहे.

काही एकर जागेवर शेतकऱ्यांनी मका, ज्वारीचे पीक घेतले असून, या हिरव्या चाऱ्याचा उपयोग दूध उत्पादन वाढीसाठी होत असल्याचे शेतकऱ्यांनी सांगितले आहे.

उन्हाळ्यात गुरांना हिरव्या चाऱ्याची कमतरता असते. यामुळे दूध उत्पादनावर परिणाम होऊन मोठ्या प्रमाणात उत्पादन घटते. यावर उपाय म्हणून मका, ज्वारीच्या पिकांची गुरांना चारा म्हणून लागवड केली आहे. उन्हाळी दिवसात या पिकांचा हिरवा पाला म्हणून उपयोगात आला आहे. यामुळे दूध उत्पादन चांगले होत आहे.
सिद्धेश पालकर, दुग्धोत्पादक, माणगाव
मका, ज्वारीच्या लागवडीतून उन्हाळ्यात दूध देणाऱ्या गुरांना हिरवा चारा उपलब्ध झाला आहे. त्यामुळे दूध उत्पादनात चांगली वाढ होत आहे.
योगेश खडतर, दुग्धोत्पादक, माणगाव

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com