वासराच्या नाळेचा संसर्ग कसा रोखाल?

वासराचा जन्म झाल्यानंतर वासराची नाळ असुरक्षितरित्या कापली गेल्याने, वासराच्या बेंबीच्या ठिकाणी जंतुसंसर्ग होत असतो.
calf
calfAgrowon

वासराचा (calf) जन्म झाल्यापासून ते सहा महिन्याचे होईपर्यंतचा काळ त्याच्या निरोगी वाढीसाठी महत्त्वाचा असतो. या काळात वासराच्या व्यवस्थापनात दुर्लक्ष केल्यास वासराच्या वाढीवर विपरीत परिणाम होतो. वासराची रोगप्रतिकारशक्ती कमी असल्यास, वासराला विविध आजारांची बाधा होण्याची शक्यता असते. वासराची वाढ योग्य प्रकारे न झाल्यास ते लवकर वयात येऊन उत्पादनक्षम होण्यास विलंब लागतो.

अपुरा किंवा अतिरिक्त आहार यामुळे वासरांची पचनशक्ती बिघडते. वासराचा जन्म झाल्यानंतर वासराची नाळ (Navel cord) असुरक्षितरित्या कापली गेल्याने, वासराच्या बेंबीच्या ठिकाणी जंतुसंसर्ग होत असतो. हा संसर्ग वाढत जाऊन,वासराच्या बेंबीला सूज येत असते.

calf
नवजात वासराच्या जन्मानंतर या गोष्टींचे पालन करा! | Care of New Born Cow Calf | ॲग्रोवन

वासराच्या बेंबीला सूज येणे. वासराच्या जन्मानंतर ज्या भागात नाळ लोंबकळत असते, तो भाग म्हणजे बेंबी. काही वेळेस या भागाला संसर्ग होऊन सूज येते, परिणामी त्यामध्ये पू होतो. त्याचे विष तयार होऊन ते संपूर्ण शरीरात पसरते. त्यामुळे वासरांना ताप येतो, वासरे दूध, चारा व पाणी याकडे दुर्लक्ष करतात, पांढरी पिवळसर रंगाची हगवण लागते. वासरे अशक्त बनतात. त्वचा खरबरीत बनते. योग्य वेळी उपचार न झाल्यास वासरे दगावण्याची दाट संभावना असते. साधारणतः हा आजार रेडकांमध्ये जास्त आढळून येतो.

calf
म्हशीच्या रेडकांच्या मृत्यूची कारणे आणि उपाययोजना! | Buffalo Calf

उत्कृष्ट व्यवस्थापनातून वासराच्या मरतुकिचे प्रमाण १० टक्क्यापेक्षा कमी करता येते. वासराचा जन्म झाल्यानंतर नाळ कापण्यासाठी निर्जंतुक सीझरचा वापर करावा. नाळ कापल्यानंतर ती टिंक्चर आयोडीन मध्ये बुडवून घ्यावी.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com