Lumpy Skin Vaccine : सिंधुदुर्गला ‘लम्पी स्कीन’ प्रतिबंधक ३५ हजार लसी प्राप्त

सिंधुदुर्ग जिल्ह्यात अद्याप लम्पी स्कीनचा प्रादुर्भाव झालेला नसला, तरी पशुसंवर्धन विभागाने जिल्ह्यातील गायवर्गीय १ लाख ५ हजार ५०८ जनावरांना लसीकरणाचे नियोजन केले आहे.
Lumpy Skin
Lumpy SkinAgrowon

सिंधुदुर्गनगरी ः सिंधुदुर्ग जिल्ह्यात अद्याप लम्पी स्कीनचा प्रादुर्भाव (Lumpy Skin Outbreak) झालेला नसला, तरी पशुसंवर्धन विभागाने (Department Of Animal Husbandry) जिल्ह्यातील गायवर्गीय १ लाख ५ हजार ५०८ जनावरांना लसीकरणाचे (Lumpy Vaccination) नियोजन केले आहे.

जिल्ह्याला आतापर्यंत ३५ हजार लसी उपलब्ध झाल्या आहेत. येत्या काही दिवसांत आणखी ७० हजार लसी उपलब्ध होतील, अशी माहिती पशुसंवर्धनचे उपायुक्त डॉ. आर. बी. दळवी यांनी दिली.

लम्पी स्कीनचा प्रादुर्भाव अद्याप जिल्ह्यात झालेला नाही. परंतु जिल्ह्यातील जनावरांचे सर्वेक्षण पशुसंवर्धन विभागामार्फत सुरू करण्यात आले आहे. जिल्ह्यात गायवर्गीय १ लाख ५ हजार ५०८ जनावरे असून या जनावरांना लसीकरण करण्यात येणार आहे.

Lumpy Skin
Lumpy Skin : लाख मोलाच्या खिलारवर ‘२४ तास’ लक्ष

त्या दृष्टीने नियोजन सुरू करण्यात आले आहे. मोठ्या संख्येने जनावरे असलेल्या ठिकाणी लसीकरण सुरू केले आहे. पहिल्या टप्प्यात १० हजार आणि दुसऱ्या टप्प्यात २५ हजार अशा एकूण ३५ हजार लसी उपलब्ध आहेत. आतापर्यंत १ हजार २८९ जनावंराचे लसीकरण केले आहे. तालुकानिहाय लसींचे वितरण केले आहे.

Lumpy Skin
Lumpy Skin : जनावरे ‘लम्पी स्कीन’मुक्तचे प्रमाण कोल्हापुरात ३२ टक्के

जिल्ह्यात जिल्हा परिषदेचे ७७ तर राज्य शासनाचे २५ पशुवैद्यकीय दवाखाने आहेत. परंतु या दवाखान्यांमधील सुमारे ९१ पदे रिक्त आहेत. त्यामुळे लसीकरण मोहीम राबविताना अडथळे निर्माण होत आहेत.

सनियंत्रण कक्ष

जिल्ह्या लम्पी स्कीन प्रतिबंधक लसीकरण मोहिमेची माहिती उपलब्ध व्हावी, लसीकरणात येणाऱ्या समस्या दूर करता याव्यात याकरिता सिंधुदुर्गनगरी येथे सनियंत्रण कक्ष स्थापन करण्यात आला आहे.

जिल्ह्यात लम्पी स्कीनचा प्रादुर्भाव नसला तरी जिल्ह्यातील पशुपालकांनी गाफील राहू नये. त्यांनी जनावरांचे लसीकरण करून घ्यावे. लसीकरण मोहीम राबविण्यासाठी पशुसंवर्धन विभागाला सहकार्य करावे.
डॉ. आर. बी. दळवी, उपायुक्त, पशुसंवर्धन विभाग.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com