Livestock Sale : घरगुती स्वरूपात जनावरे विक्री व्यवहार त्रासदायक

लम्पी स्कीनमुळे पशुधनाच्या खरेदी-विक्रीला ‘ब्रेक’ लागला आहे. जनावरांच्या बाजारावर निर्बंध असल्याने जनावरांचे खरेदी-विक्रीचे व्यवहार ठप्प झाले आहेत.
Livestock Market
Livestock MarketAgrowon

कोवाड, जि. कोल्हापूर ः लम्पी स्कीनमुळे (Lumpy Skin) पशुधनाच्या खरेदी-विक्रीला (Livestock Market) ‘ब्रेक’ लागला आहे. जनावरांच्या बाजारावर निर्बंध असल्याने जनावरांचे खरेदी-विक्रीचे व्यवहार ठप्प झाले आहेत. यामुळे जनावरांच्या खरेदी-विक्रीचे मोठे संकट शेतकऱ्यांसमोर उभे आहे. घरगुती स्वरूपात जनावरे खरेदी करणे व विक्री करण्याचा मार्ग शेतकऱ्यांनी शोधला असला तरी तो तितकाच त्रासदायक व महागडा ठरत आहे.

Livestock Market
Livestock Market : जनावारे बाजारांवर चार दिवसांत निर्णय

तीन ते चार महिन्यांपासून जनावरांना लम्पी स्कीन या त्वचा आजाराने ग्रासले. गावोगावी जनावरांना या आजाराची लागण झाल्याचे चित्र आहे. यामुळे पशुपालकांत भीती निर्माण झाली. चंदगड तालुक्यात तुर्केवाडी व अडकूर हे जनावरांचे दोन मोठे बाजार आहेत. यातून जनावरांच्या खरेदी-विक्रीचे मोठे व्यवहार होतात.

Livestock Market
Animal Care : तंत्रज्ञान, व्यवस्थापनातूनच गोशाळा होतील सक्षम

सीमाभागात दड्डी येथेही जनावरांचा मोठा बाजार भरतो. यासह अनेक छोटे-मोठे बाजार आहेत. फार मोठ्या प्रमाणात या बाजारांतून जनावरांच्या खरेदी-विक्रीचे व्यवहार होत असतात. कर्नाटकासह महाराष्ट्रातील अनेक ठिकाणची जनावरे या बाजारांतून आणली जातात. लम्पी स्कीनमुळे सध्या या बाजारांवर निर्बंध आणले आहेत. त्यामुळे पशुधनाच्या खरेदी-विक्रीचे व्यवहार ठप्प झाले आहेत. याचा शेतकऱ्यांना फटका बसतो.

चंदगड तालुक्यात नोव्हेंबरपर्यंत लम्पी स्कीनमुळे ९२ जनावरे बधित झाली होती. त्यामुळे जनावरांचे सर्व बाजार बंद ठेवले आहेत. त्याचबरोबर जनावरांची ने-आण करण्यावरही बंदी घातली. त्यामुळे जनावरांचे खरेदी-विक्रीचे व्यवहार ठप्प आहेत. याचा शेती व दूध व्यवस्थेवर परिणाम झाला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com