साखर उद्योग वैचारिक सेतू परिषदेचे आयोजन 

साखर उद्योगाशी (Sugar Industry) संबंधित असलेल्या सर्व स्टेक होल्डर्स म्हणजे उस उत्पादक (Sugar Producer), भागधारक सभासद, व्यवस्थापन (Managment), उस तोड कामगार, ग्रामस्थ, तज्ज्ञांमध्ये वैचारिक सेतु बांधून सुसंवाद साधण्यासाठी वैचारिक सेतू परिषदेचे आयोजन करण्यात आले आहे. येत्या २३ मार्च रोजी पुण्यातील विशाल सह्याद्री सदन येथे ही परिषद आयोजित करण्यात आली आहे. 

या बैठकीत साखर उद्योगातील (Sugar Industry) समस्यांवर सविस्तर संवाद साधला जाणार आहे. सद्यस्थितील साखर उद्योगासमोरील (Sugar Industry) समस्या, त्यांच्या निवारणासाठीच्या उपाययोजना यांवर खल होणार आहे.

पुढील आव्हानांना कसे सामोरे जावे, उसतोड कामगार, कर्मचारी, शेतकऱ्यांचे काय प्रश्न आहेत, राज्य अथवा केंद्र सरकारकडे धोरणात्मक बदल करण्यासाठी, पाठपुरावा करणे, त्यासाठी अंतिम प्रस्ताव सादर करता येईल का?  यावर चर्चा होणार आहे.

व्हिडीओ पहा- 

या परिषदेमध्ये साखरेची विक्री किंमत (MSP), साखरेला द्विस्तरीय भाव, दोन साखर कारखान्यामधील हवाई अंतर, इथेनॉल निर्मिती व त्याचा एफआरपीवर (FRP) होणारा परिणाम, अतिरिक्त उस प्रश्न, इतर उपपदार्थाचे मूल्यवर्धन, नफा निधीचे वाटपसुत्र अशा महत्वाच्या विषयावर आजी, माजी एम.डी.,सीईओ, अभ्यासक, इथेनॉल कन्सलटंट मार्गदर्शन करणार आहेत. त्यामुळे साखर उद्योगातील भागीदारांसह सर्वांनी उपस्थित राहुन ह्याचा लाभ घ्यावा असे आवाहन करण्यात आले आहे.