Goat : जास्त दूध उत्पादनासाठी सानेन शेळी?

सानेन शेळ्या इतर शेळ्यांच्या तुलनेत सर्वाधिक दुधाचे उत्पादन देणारी जात म्हणून ओळखली जाते.
Sanen Goat
Sanen GoatAgrowon

शेळीपासून पैदास होणाऱ्या बोकड विक्रीच्या हेतूनं शेळीपालन हे फायदेशीर ठरते. त्यामुळे आपल्याकडे मुख्यतः मांस विक्रीसाठी च शेळीपालन केले जाते. परंतु शेळीचे दुध ही पौष्टीक मानले जाते, अलीकडे शेळीच्या दुधापासून अनेक मुल्यवर्धीत पदार्थांची निर्मिती होत आहे. जे पदार्थ अधिक पौष्टिक आणि आरोग्याच्या दृष्टीने फायदेशीर आहेत. त्यामुळे शहरी भागातील जागरुक ग्राहकांकडून शेळीच्या दुधाला मागणी वाढू लागली आहे. सानेन शेळ्या इतर शेळ्यांच्या तुलनेत सर्वाधिक दुधाचे उत्पादन देणारी जात म्हणून ओळखली जाते. सानेन शेळीचे मूळ स्थान हे स्वित्झर्लंडच्या सानेन खोऱ्यातील असल्याने तिला सानेन हे नाव पडले आहे.

Sanen Goat
Goat Farming : शेळीपालन करताना या गोष्टी लक्षात ठेवा

या जातीच्या कासेवर, कानावर आणि नाकावर काही वेळेस काळ्या रंगाचे ठिपके दिसून येतात.

कान ताठ, मध्यम लांबीचे असतात. या शेळीचा चेहरा सरळ असतो.

मुख्यतः सानेन शेळ्या पांढऱ्या रंगाच्या असतात. या शेळ्यांना शिंगे नसतात.

पाय लहान आकाराचे आणि मान लांब आकाराची असते.

ही शेळी इतर सर्व शेळ्यांच्या तुलनेत जास्त दुधाचे उत्पादन देते. या शेळीपासून मिळणारे दूध सर्व प्रकारचे दुग्धजन्य पदार्थ तयार करण्यासाठी योग्य आहे.

कान सरळ वरच्या दिशेने असतात.कासेचा आकार खूप मोठा असतो.

एका प्रौढ नर सानेन शेळीचे वजन सुमारे ७०-९० किलो असते आणि प्रौढ मादी शेळीचे वजन हे ६५ ते ७० किलोपर्यंत असते.

२६० दिवसांत या सानेन जातीची संकरीत शेळी ३२० लिटर दूध देते. शिवाय तिचा भाकड काळ हा केवळ १०५ दिवसांचा आहे,

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com