Lumpy Skin : ‘लम्पी स्कीन’मुळे जिल्ह्यात दोन जनावरांचा मृत्यू

गेल्या एक महिन्यापासून अनेक भागांत ‘लम्पी स्कीन या आजाराचा प्रादुर्भाव वाढत आहे. जिल्ह्यातील जुन्नर भागात या आजाराचे प्रमाण वाढत आहे.
Lumpy Skin Disease
Lumpy Skin DiseaseAgrowon

पुणे : गेल्या एक महिन्यापासून अनेक भागांत ‘लम्पी स्कीन या आजाराचा प्रादुर्भाव (Lumpy Skin Disease Outbreak) वाढत आहे. जिल्ह्यातील जुन्नर भागात या आजाराचे प्रमाण (Animal Disease) वाढत आहे. या आजाराने आतापर्यंत दोन जनावरांचा मृत्यू (Two Animal Died Due To Lumpy Skin Disease) झाला असल्याचे सूत्रांनी सांगितले.

Lumpy Skin Disease
Lumpy Skin Disease: नऊ तालुक्यांत जनावरांचे आठवडी बाजार बंद

‘‘उष्ण व आर्द्र हवामानात या रोगाचा जास्त प्रसार होतो. या रोगाची बाधा गाय व म्हैसवर्गातील सर्व वयोगटाच्या जनावरांना होते. लहान वासरांमध्ये रोगाची तीव्रता अधिक दिसून येते. या रोगाचा प्रसार साधारण १० ते २० टक्के जनावरांमध्ये होतो. देशी जनावरांपेक्षा संकरित जनावरे या विषाणूला लवकर बळी पडतात. या रोगाचा प्रसार कीटक, डास चावणाऱ्या माश्‍या, गोचिड आदीमार्फत होतो. या आजाराच्या विषाणूंचा संसर्ग निरोगी व बाधित जनावरे यांच्यातील स्पर्शाने होतो. आजारामुळे काही वेळा गर्भपात होऊन प्रजनन क्षमता घटते,’’ असे जिल्हा पशुसंवर्धन अधिकारी डॉ. शिवाजी विधाटे यांनी सांगितले.

राज्यात ९९७ जनावरांना लागण

राज्यातील जवळपास ९९७ जनावरांना ‘लम्पी स्कीन’ची लागण झाली आहे. ६२८ जनावरे उपचारानंतर बरी झाली आहेत. उर्वरित जनावरांवर उपचार सुरू आहेत. लागण झालेल्यापैकी १३ जनावरांचा ‘लम्पी स्कीन’ या आजाराने आतापर्यंत मृत्यू झाला आहे. यात जळगावमधील रावेर तालुक्यातील सर्वाधिक १० जनावरांचा मृत्यू झाला आहे. तर नगर जिल्ह्यात एका जनावराचा मृत्यू झाला आहे. यात वाढ होताना दिसून येत आहे. त्यामुळे शेतकऱ्यांनी योग्य ती काळजी घ्यावी, असे आवाहन पशुसंवर्धन विभागाकडून करण्यात आले.

पुणे जिल्हा परिषदेचा पशुसंवर्धन विभाग, पशुसंवर्धन आयुक्तालय यांच्या मार्गदर्शनाखाली ‘लम्पी स्कीन’चा प्रादुर्भाव रोखण्यासाठी आवश्यक ती पावले उचलत आहोत. ग्रामपंचायतींना गोठ्यात अँटी-वेक्टर फवारणीसारख्या प्रतिबंधात्मक उपाययोजना करण्यासाठी पैसे खर्च करण्याची परवानगी देण्यात आली आहे.
आयुष प्रसाद, मुख्य कार्यकारी अधिकारी, जिल्हा परिषद, पुणे

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com