digambar durgade chairman of pdcc bank and sunil chandore in vice chairman | Agrowon

पुणे जिल्हा बँकेच्या अध्यक्षपदाची माळ प्रा. दिगंबर दुर्गाडेंच्या गळ्यात

टीम ॲग्रोवन
शनिवार, 15 जानेवारी 2022

पुणे जिल्हा मध्यवर्ती सहकारी बँकेच्या अध्यक्षपदी कोण बसणार हे
आता स्पष्ट झालं आहे. राज्याचे उपमुख्यमंत्री अजित पवार अध्यक्षपदाची
माळ कोणाच्या गळ्यात टाकणार याची उत्सुकता सर्वांनाच लागली होती. 

पुणे - जिल्हा मध्यवर्ती सहकारी बँकेच्या अध्यक्षपदी कोण बसणार हे आता स्पष्ट झालं आहे. राज्याचे उपमुख्यमंत्री अजित पवार अध्यक्षपदाची माळ कोणाच्या गळ्यात टाकणार याची उत्सुकता सर्वांनाच लागली होती. प्राध्यापक दिगंबर दुर्गाडे यांच्या गळ्यात अध्यक्षपदाची माळ पडली आहे. निवड झाली आहे. तर उपाध्यक्षपदी सुनील चांदेरे यांना संधी देण्यात आली आहे. आज सकाळी जिल्हा बँकेच्या मुख्य शाखेत सर्व नवनिर्वाचित
संचालकांना आमंत्रित करण्यात आले होते. उपमुख्यमंत्री आणि जिल्हा बँकेचे
संचालक अजित पवार (Ajit Pawar) आणि गृहमंत्री (Home Minister) दिलीप
वळसे पाटील (Dilip walase Patil) यांनी चर्चा करुन दिगंबर दुर्गाडे आणि
सुनील चांदेरे यांच्या नावावर शिक्का मोर्तब केले. 

दिगंबर दुर्गाडे यांनी 'ड' वर्ग अन्य सहकारी संस्थांच्या मतदारसंघातून शिरूर आणि हवेलीचे भाजप तालुकाध्यक्ष दादापाटील फराटे यांना पराभूत केले आहे. फराटे यांना अनुभवी दुर्गाडे यांच्याकडून तब्बल ६८४ मतांनी पराभव स्विकारावा लागला आहे. तर चांदोरे यांनी मुळशी तालुका मतदारसंघातून बँकेचे माजी अध्यक्ष आत्माराम कलाटे (Atmaram Kalate) यांना धक्का देत विजय मिळवला आहे. चांदोरे यांना २८ मत मिळाली होती, तर कलाटे यांची गाडी १७ वरचं थांबली होती.

सुरुवातीला अध्यक्षपदी विद्यमान अध्यक्ष आणि अजित पवार आणि सुप्रिया सुळे यांचे अत्यंत विश्वासू मानले जाणारे शिलेदार रमेशआप्पा थोरात यांना पुन्हा संधी देण्यात येईल, असे अंदाज बांधले जात होते. मात्र दिगंबर दुर्गाडे यांचे नाव आज उजवे ठरले. याशिवाय बँकेच्या निवडणुकीत तब्बल ८५ टक्के मताधिक्याने विजयी झालेले अशोक पवार (Ashok Pawar), जुन्नरमधूनप्रत्येक आमदारकीवेळी तडजोड म्हणून बँकेत राहणाऱ्या संजय काळे (Sanjay Kale), आमदार दिलीप मोहिते आणि वेल्ह्यातून रेवणनाथ दारवटकर यांची ही नाव अध्यक्षपदासाठी आघाडीवर होती.

पुणे जिल्हा बँकेच्या २०२१-२०२६ या पाच वर्षाच्या कार्यकाळासाठीच्या संचालक मंडळाच्या निवडीसाठी २ जानेवारी २०२२ रोजी निवडणूक झाली होती. ४ जानेवारीला मतमोजणी होऊन, निकाल जाहीर करण्यात आले. संचालक मंडळाच्या २१ पैकी १६ जागा जिंकत, सत्ताधारी राष्ट्रवादी काँग्रेसने पुन्हा एकदा बॅंकेवर निर्विवाद वर्चस्व स्थापित केले आहे. याशिवाय राष्ट्रवादी काँगेसचेच विकास दांगट अपक्ष म्हणून निवडून आलेले आहेत. ते केवळ कागदोपत्री अपक्ष आहेत.
 


इतर बातम्या
उन्हाचा चटका वाढला, गारठा ओसरला पुणे : राज्यात उन्हाचा चटका वाढू लागला असल्याने...
साखर कारखान्यांच्या माल तारण  कर्जावरील...कोल्हापूर : साखर कारखान्यांच्या माल तारण...
खते मुबलक; पण किंमत जादा पुणे : राज्यात रब्बी हंगामात रासायनिक खतांची...
ज्येष्ठ विचारवंत डॉ. एन. डी. पाटील...कोल्हापूर ः ज्येष्ठ पुरोगामी विचारवंत, माजी...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
कांदाच बनला टुमदार बंगल्याची ओळख नाशिक ः  या नभाने या भुईला दान...
ईश्‍वेद समूहाच्या टिश्‍युकल्चर ...अकोला : सिंदखेडराजा येथील ईश्‍वेद बायोटेक टिश्‍...
कापूस आयात शुल्क  रद्दच्या विषयावरील...जळगाव ः कापसावरील आयात शुल्क रद्द करण्यासह वायदा...
नाशिकच्या स्टार्टअपचा राष्ट्रीय पातळीवर...नाशिक : केंद्रीय वाणिज्य आणि उद्योगमंत्री पीयूष...
तूर विक्रीसाठी शेतकऱ्यांची  खुल्या...अमरावती : सोयाबीन व कापसानंतर खरीप हंगामातील...
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
पुणे विभागात रब्बीतील कांदा लागवडीत वाढपुणे : आगामी काळात कांद्याला चांगले दर...
‘अशोक’च्या निवडणुकीत ‘लोकसेवा’ची सत्ता...नगर ः श्रीरामपूर तालुक्यातील अशोक सहकारी साखर...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
नगरमध्ये सहाशे शेतकऱ्यांना मिळणार... नगर ः शेतकऱ्यांना शेळीपालन, कुक्कुटपालन...
नांदेड जिल्ह्यात रब्बीत विक्रमी पेरणीनांदेड : पावसाळ्यात झालेल्या विक्रमी पावसामुळे...
शेतीमाल तारण योजनेत सात बाजार समित्याऔरंगाबाद : पणन मंडळाच्या औरंगाबाद विभागातील...
‘स्वाभिमानी’चे पीकविम्यासाठीचे ठिय्या...बुलडाणा : पीकविम्याच्या मुद्यावर चिखलीमध्ये...
उस्मानाबाद जिल्हा बँकेच्या संचालक...उस्मानाबाद : उस्मानाबाद जिल्हा बँकेच्या संचालक...