नाशिक बाजार समितीतील कर्मचाऱ्यांचे मागण्यांसाठी धरणे आंदोलन

नाशिक : शासनाने जाहीर केलेला महाभाई भत्ता मिळावा व सातवा वेतन आयोग लागू करावा यासह विविध मागण्यांसाठी नाशिक बाजार समितीच्या कर्मचाऱ्यांनी गुरुवारपासून (ता.१३) बेमुदत धरणे आंदोलन सुरुवात केले आहे. शुक्रवारी (ता.१४) देखील हे आंदोलन सुरुच होते. बाजार समिती प्रशासन जोपर्यंत लेखी देत नाही तोपर्यंत आंदोलन मागे न घेण्याचा भूमिका बाजार समितीच्या कर्मचारी संघटनेने घेतली आहे. 

महाराष्ट्र राज्य बाजार समिती कर्मचारी संघटनेचे विभागीय अध्यक्ष नीलेश दिंडे यांच्या नेतृत्वाखाली मोहन पाटील, सोमनाथ पिंगळे, रघुनाथ धोंडगे, विष्णू दिंडे, सुजाता ढेरिंगे, आशा वरपे यांच्यासह कर्मचारी या आंदोलनात सहभागी झाले आहेत.

जिल्हा उपनिबंधकांना दिलेल्या निवेदनात म्हटले आहे की, ‘‘शासनाने वेळोवळी बाजारसमिती कर्मचाऱ्यांना महागाई भत्ता वाढ दिली असून, बाजार समित्यांनी आपल्या आर्थिक स्थितीनुसार त्याची अंमलबजावणी करावी,’’ असे आदेश दिले आहेत. नाशिक बाजार समितीची सांपत्तिक स्थिती चांगली आहे. तसेच आस्थापना खर्चही मर्यादेतच असतानाही समिती महागाईभत्ता वाढ दिलेली नाही. सद्यःस्थितीत महागाई भत्ता १२५ टक्के प्रमाण अदा करण्यात येत आहे. शासनाने सर्व कर्मचाऱ्यांना सातवा वेतन आयोग लागू केलेला असतानाही बाजार समितीच्या कर्मचाऱ्यांना सहाव्या वेतन आयोगाप्रमाणेही वेतन दिले जात नाही. तसेच राज्यातील बऱ्याचशा बाजार समित्यांनी सातवा वेतन आयोग लागू केलेला असताना नाशिक बाजार समिती याबाबत वेळकाढूपणा करीत आहे.    ह्या आहेत प्रमुख मागण्या