Farmer Agricultural News agitation for milk rate issue Satara Maharashtra | Agrowon

दूध दरप्रश्नी भाजपचे सातारा जिल्ह्यात आंदोलन

टीम अॅग्रोवन
रविवार, 2 ऑगस्ट 2020

सातारा  : गाईच्या दुधाला प्रतिलिटर १० रुपये आणि दूध पावडरला प्रति किलो ५० रुपये अनुदान द्यावे. शासनाने ३० रुपये दराने दूध खरेदी करावे, या प्रमुख मागण्यांसाठी शनिवारी (ता.१) भाजपसह घटकपक्षांच्यावतीने सातारा जिल्ह्यात  ठिकठिकाणी आंदोलन करण्यात आले.

सातारा  : गाईच्या दुधाला प्रतिलिटर १० रुपये आणि दूध पावडरला प्रति किलो ५० रुपये अनुदान द्यावे. शासनाने ३० रुपये दराने दूध खरेदी करावे, या प्रमुख मागण्यांसाठी शनिवारी (ता.१) भाजपसह घटकपक्षांच्यावतीने सातारा जिल्ह्यात  ठिकठिकाणी आंदोलन करण्यात आले. यावेळी सरकारच्या धोरणाविरोधात जोरदार घोषणाबाजी करण्यात आली. 

‘कोरोना’च्या पार्श्वभूमीवर लॉकडाउनमुळे दूध उत्पादक शेतकऱ्यांना मोठे नुकसान सहन करावे लागत आहे. दुधाचा दर कमी झाल्याने जनावरांना लागणारा चारा व त्यांच्यासाठी होणारा इतर खर्च हा मिळकतीपेक्षा जास्त होतो. त्यांच्या या समस्यांवर ठाम उपाययोजना व्हावी, यासाठी शनिवारी आंदोलने करण्यात आली. 

सातारा शहरात आमदार शिवेंद्रसिंहराजे भोसले यांच्या नेतृत्वाखाली आंदोलन करण्यात आले. यावेळी शहराध्यक्ष विकास गोसावी, किशोर शिंदे, धनंजय जांभळे, विक्रांत भोसले, जयदीप ठुसे आदी उपस्थित होते.

कराड येथील प्रशासकीय इमारतीसमोर भाजपचे सातारा जिल्हाध्यक्ष विक्रम पावसकर यांच्या नेतृत्वाखाली आंदोलन करण्यात आले. यावेळी कऱ्हाड शहराध्यक्ष एकनाथ बागडी, शार्दुल ऊर्फ मुकुंद चरेगावकर, अॅड. विजय पाटील, नितीन शाह आदी उपस्थित होते. आंदोलनानंतर मागण्यांचे निवेदन तहसीलदार वाकडे यांना देण्यात आले. 

मलकापूर येथे अतुल भोसले यांच्या नेतृत्वाखाली आंदोलन करण्यात आले. तसेच पाचवड, भुईंज येथे मदन भोसले यांच्या मार्गदर्शनाखाली प्रदीप क्षीरसागर, गजानन भोसले, अर्चना विसापूरे, प्रशांत जाधवराव आदींच्या उपस्थितीत आंदोलन झाले.

शिवथर (ता. सातारा) येथे रयत क्रांती संघटनेच्या वतीने दूध दगडावर ओतून आंदोलन करण्यात आले. या आंदोलनात सरकारच्या धोरणाविरोधात जोरदार घोषणाबाजी करण्यात आली.


इतर बातम्या
सिंधुदुर्गात पूरस्थिती, जनजीवन विस्कळीत सिंधुदुर्ग ः जिल्ह्यात गेल्या दोन ते तीन...
माजी मंत्री अनिल राठोड यांचे निधननगर, : नगर शहराचे माजी आमदार, तत्कालीन युती...
माजी मुख्यमंत्री शिवाजीराव पाटील...लातूर : काँग्रेसचे जेष्ठ नेते, माजी मुख्यमंत्री...
राज्यात पावसाचा जोर वाढणार पुणे :  राज्यातील बहुतांशी भागात पुन्हा...
कोल्हापूर बाजार समिती संचालकांचे...कोल्हापूर : बेकायदेशीर नोकर भरती तसेच जागा...
परभणी जिल्ह्यात तीन लाख ७२ हजार हेक्टर...परभणी : ‘‘पंतप्रधान पिकविमा योजनेअंतर्गंत...
लातूर विभागात विम्याचे २१ लाख हेक्टर...उस्मानाबाद : लातूर, उस्मानाबाद, नांदेड, परभणी,...
मोर मध्यम प्रकल्पाच्या कालवा...हिंगोणा, जि. जळगाव ः सातपुडा पर्वतातील मोर...
मराठवाड्यातील मोठ्या प्रकल्पांत ५१...औरंगाबाद :  मराठवाड्यातील ८७३ प्रकल्पांतील...
'रासाका' लवकर सुरू करा, शेतकऱ्यांची...नाशिक  : गेल्या काही दिवसांपासून निफाड...
खानदेशात कांदा रोपवाटिकांची स्थिती बिकट...जळगाव : खानदेशात कांदा रोपवाटिकांची स्थिती बिकट...
यावल, रावेरमध्ये मका पिकावर लष्करी अळी...जळगाव : यावल तालुक्यातील किनगाव, डांभुर्णी,...
नाशिक जिल्ह्यात लाल कांद्याच्या तुरळक...नाशिक : जिल्ह्यात खरीप हंगामातील कांदा लागवडीचा...
सोलापूर जिल्ह्यात सोयाबीनच्या निकृष्ट...सोलापूर : जिल्ह्यात सोयाबीनच्या निकृष्ठ...
अकोले तालुक्‍यात भात लागवडी रखडल्यानगर : जिल्ह्यातील अकोले तालुक्‍याच्या उत्तर...
गोंदियाची पीक कर्ज वाटपात आघाडीगोंदिया : पीक कर्ज वाटपात जिल्ह्याने आघाडी घेत...
खेडे स्वयंपूर्ण, तर राज्य, देश...नाशिक : ‘‘कोविड- १९ च्या या परिस्थितीत...
प्रतिबंधित कीटकनाशकांची विक्री करू नकाअकोला ः पिकांवर कीटकनाशक फवारणी करताना होणाऱ्या...
संचारबंदी काळात सोलापूर जिल्ह्यातील १७८...सोलापूर : ‘‘सोलापूर शहर व जिल्ह्यातील कोरोनाचा...
प्रविण कसपटे ठरले सर्वाधिक बिझनेस...बार्शी : येथील युवा उद्योजक प्रविण कसपटे यांनी...