Farmer Agricultural News agitation for onion price nashik maharashtra | Page 2 ||| Agrowon

कांदा दरप्रश्नी लासलगाव येथे आंदोलन

टीम अॅग्रोवन
शुक्रवार, 13 डिसेंबर 2019

कांद्याची आवक कमी असताना दर कोसळत असल्याने नाशिक जिल्ह्यासह राज्यातील सर्वच ठिकाणच्या कांदा उत्पादकांमध्ये अस्वस्थता आहे. केंद्र शासनाने कांद्यावरील निर्यातबंदी तातडीने रद्द करावी, परदेशांतून कांदा आयात करू नये, कांदा साठवणुकीचे निर्बंध उठवावेत व किमान निर्यातमूल्य कायमस्वरूपी रद्द करून निर्यात सुरू करून कांदा शेतकऱ्यांना न्याय द्यावा.
- भारत दिघोळे, अध्यक्ष, महाराष्ट्र राज्य कांदा उत्पादक शेतकरी संघटना 

नाशिक : केंद्र शासनाने केलेली कांदा निर्यातबंदी तातडीने रद्द करावी, कांद्याची आयात थांबवावी, यासह इतर मागण्यांसाठी शुक्रवारी (ता. १३) लासलगाव बाजार समितीत महाराष्ट्र राज्य कांदा उत्पादक शेतकरी संघटनेने आंदोलन करीत अर्धा तास लिलाव बंद पाडले. 

गेल्या पंधरा दिवसांपासून कांद्याच्या दरात सुधारणा झाल्याने शेतकऱ्यांना थोडा दिलासा देणारा दर मिळू लागला. मात्र, कांद्याचे वाढते दर नियंत्रणात आणण्यासाठी केंद्र सरकारने हस्तक्षेप सुरू केला आहे. मागील काही दिवसांपासून देशातील विविध राजकीय पक्ष व संघटनांनी कांदा भाववाढीविरोधात आंदोलने करून कांद्याचे दर पाडण्याचे काम सुरू केले आहे. याचा निषेध म्हणून महाराष्ट्र राज्य कांदा उत्पादक शेतकरी संघटनेने शुक्रवारी आंदोलन करून अर्धा तास कांदा लिलाव बंद पाडले. कांदा दर वाढीला विरोध करणाऱ्या सर्वच राजकीय पक्ष व संघटनांविरोधात, तसेच शेतकरी विरोधी धोरणांचा निषेध नोंदवीत हे आंदोलन करण्यात आले. या वेळी वसंत गांगुर्डे, कैलास पगारे, बाळासाहेब थोरे, गणेश निंबाळकर, जयराम गामणे, भाऊसाहेब केदार, संदीप मगर, बाळासाहेब आव्हाड यांसह कांदा उत्पादक शेतकऱ्यांनी आंदोलनात सहभाग नोंदविला. 

या वेळी कांदा उत्पादक शेतकरी शैलेंद्र पाटील म्हणाले, की सरकारने कांदा दर कमी करण्याचा हट्ट चालवला आहे. एकहाती सत्तेमुळे केंद्र सरकार अति करण्याचा प्रयत्न करत आहे. कांदा दर पाडण्याचा हस्तक्षेप सरकारने वेळीच थांबवावा. सध्या शेतकऱ्यांमध्ये असंतोष आहे. जर असे शेतकरी विरोधी निर्णय केंद्र सरकारने मागे घेतले नाही, तर कांदा उत्पादक राज्यस्तरीय आंदोलन करतील.
 


इतर बातम्या
शासकीय खरेदीअभावी उत्पादकांची लूटआरेगाव, जि. यवतमाळ  : आज ना उद्या शासन...
यवतमाळमध्ये पन्नास हजार क्विंटल कापूस...यवतमाळ : जिल्ह्यात सुरू करण्यात आलेल्या सीसीआय...
‘द्वारकधीश’कडून पंधरवड्यात ५५ हजार टन...नाशिक : सटाणा तालुक्यातील शेवरे येथील द्वारकाधीश...
`ऊर्जामंत्र्यांवर सदोष मनुष्यवधाचा...नाशिक : जालना जिल्ह्यातील भोकरदन तालुक्यातील ३...
किनवट येथे धानाचे खरेदी केंद्र मंजूरनांदेड : धान खरीप पणन हंगाम २०२० - २१ साठी...
‘इसापूर’चे पहिले आवर्तन शुक्रवारपासूननांदेड : ऊर्ध्व पैनगंगा प्रकल्प इसापूरमधून...
खानदेशात मका, ज्वारीला हमीभाव मिळेना जळगाव : खानदेशात ज्वारी, मक्याची आवक बाजारात सुरू...
परभणी जिल्ह्यात तीस हजार हेक्टर ऊस...परभणी  ः जिल्ह्यात सन २०१९-२० मध्ये लागवड...
मराठवाड्यातील बहुतांश धरणे तुडुंबऔरंगाबाद : यंदा जोरदार पावसामुळे मराठवाड्यातील...
खानदेशात रब्बीच्या पेरणीला वेगजळगाव : खानदेशात कोरडवाहू रब्बी पिकांची पेरणी...
शेतीच्या फायद्यासाठी एकसंघपणे प्रयत्न...जालना : ‘‘कृषी विभागाची विस्तार सेवेची भूमिका...
ओट पिकावरील करपा रोगांसाठी कारणीभूत...ओट पिकामध्ये करपा रोगाच्या प्रादुर्भावानंतर...
प्रखर प्रकाशाचा पक्ष्यांवर होतो विपरीत...चमकत्या प्रखर प्रकाशांचा परिणाम मोठ्या...
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...